T20 World Cup Pakistan Team : ऑस्ट्रेलियात 16 ऑक्टोबरपासून टी-20 विश्वचषक सुरुवात होणार आहे. टी-20 विश्वचषकासाठी जवळपास सर्वच देशांनी संघ जाहीर केले आहेत, मात्र पाकिस्तानने अद्याप टी-20 विश्वचषकासाठी आपला संघ निवडलेला नाही. याआधी पाकिस्तान संघाला मोठा झटका बसला आहे. वृत्तानुसार संघाचा स्फोटक फलंदाज फखर जमान टी-20 विश्वचषक संघातून बाहेर गेला आहे. माजी फलंदाज राशिद लतीफने म्हटले आहे की, फखर जमानला दुखापत झाली आहे. त्यामुळेच तो ऑस्ट्रेलियात होणाऱ्या टी-20 विश्वचषक संघाचा भाग होणार नाही.

पाकिस्तानचा माजी यष्टीरक्षक फलंदाज राशिद लतीफने त्याच्या यूट्यूब चॅनलवर एक मोठे अपडेट देताना, म्हणाला की फखर जमान टी-20 वर्ल्ड कपमध्ये खेळणार नाही. जर फखर जमान टी-20 वर्ल्ड कपमध्ये खेळला नाही तर टीम इंडियासाठी ही मोठी दिलासादायक बातमी असेल. फखरला गुडघ्याला दुखापत झाली असून तो चार ते सहा एक महिन्याच्या विश्रांतीवरही जाऊ शकतो. त्याची दुखापत शाहीन आफ्रिदीसारखीच आहे. तो लवकर बरा होईल अशी आशा आहे.

फखर जमान हा तोच फलंदाज आहे ज्याने 2017 च्या ICC चॅम्पियन्स ट्रॉफीमध्ये भारताला सर्वात मोठा धक्का दिला होता. 2017 च्या ICC चॅम्पियन्स ट्रॉफीच्या अंतिम सामन्यात, पाकिस्तानने फखर जमानच्या 114 धावांच्या जोरावर भारताला विजयासाठी 339 धावांचे लक्ष्य दिले होते. ज्याच्या प्रत्युत्तरात टीम इंडिया अवघ्या 158 धावांत गारद झाला होता. 2017 च्या ICC चॅम्पियन्स ट्रॉफीमध्ये टीम इंडियाच्या या पराभवानंतर टीम इंडियाचे तत्कालीन प्रशिक्षक अनिल कुंबळे यांनी मुख्य प्रशिक्षकपदाचा राजीनामा दिला होता.