Team India New Jersey : वर्ल्ड टेस्ट चॅम्पियनशिपमध्ये टीम इंडियाचा सामना ऑस्ट्रेलियाशी 7 जूनपासून ओव्हल येथे होणार आहे. या सामन्यापूर्वी बीसीसीआयने टीम इंडियाची शैली पूर्णपणे बदलली असून एक खास व्हिडिओ शेअर केला आहे.
या व्हिडिओमध्ये टीम इंडियाच्या ब्लू जर्सीचा नवा लूक पाहायला मिळत आहे. अलीकडेच बीसीसीआयने किट प्रायोजक कंपनी बदलली होती, त्यानंतर इंग्लंडमध्ये सरावादरम्यानही संघातील खेळाडू नव्या रूपात दिसले. आता बीसीसीआयने पांढऱ्या चेंडूच्या जर्सीचा व्हिडिओ शेअर केला आहे.
बीसीसीआयने आज एक व्हिडिओ शेअर केला, ज्यामध्ये पुरुष संघाचा कर्णधार रोहित शर्मा, महिला संघाची कर्णधार हरमनप्रीत कौर यांच्यासह अनेक खेळाडू दिसत आहेत. यामध्ये विराट कोहलीसोबत हार्दिक पांड्या, शुभमन गिल, जसप्रीत बुमराह, स्मृती मानधना, रेणुका ठाकूर या महिला स्टार्सही दिसत आहेत.
बीसीसीआयने या व्हिडिओच्या कॅप्शनमध्ये ट्विटरवर लिहिले की, या जर्सीतून एकच गोष्ट जाणवते की काहीही अशक्य नाही. या व्हिडिओनंतर काही वेळातच रोहित शर्मा आणि विराट कोहलीचे कसोटी जर्सीतील फोटोही सोशल मीडियावर व्हायरल होऊ लागले.
बुधवारपासून लंडनच्या केनिंग्टन ओव्हलवर भारतीय संघ सराव सामना खेळणार आहे. टीम इंडियाची ही सलग दुसरी फायनल आहे. गेल्या मोसमात न्यूझीलंडकडून अंतिम फेरीत पराभव पत्करावा लागला आणि उपविजेता ठरला. यावेळी रोहित शर्माच्या संघाला आयसीसी ट्रॉफीसाठी 10 वर्षांची प्रतीक्षा संपवायची आहे.
टीम इंडियाचा पूर्ण संघ - रोहित शर्मा, शुभमन गिल, चेतेश्वर पुजारा, विराट कोहली, अजिंक्य रहाणे, केएस भरत (विकेटकीपर), रविचंद्रन अश्विन, रवींद्र जडेजा, अक्षर पटेल, शार्दुल ठाकूर, मोहम्मद शमी, मोहम्मद सिराज, उमेश यादव, जयदेव उनाडकट, इशान किशन(विकेटकीपर).
स्टँडबाय : यशस्वी जैस्वाल, मुकेश कुमार, सूर्यकुमार यादव
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.