India vs South Africa 2nd Test : सेंच्युरियनमध्ये खेळल्या गेलेल्या पहिल्या कसोटी सामन्यात दक्षिण आफ्रिकेने भारताला चारी मुंड्या चीत केलं. आणि अवघ्या 3 दिवसांत विजय मिळत खेळ खल्लास केला.

सेंच्युरियन कसोटीत टेंबा बावुमा हा दक्षिण आफ्रिकेचा कर्णधार होता, पण दुखापत झाल्यानंतर त्याने पहिल्याच दिवशी मैदान सोडले, त्यानंतर डीन एल्गरने कर्णधारपदाची सूत्रे हाती घेतली. आता अशी बातमी आहे की डीन एल्गर दुसऱ्या कसोटीतही दक्षिण आफ्रिकेचा कर्णधार असेल कारण टेम्बा बावुमा कसोटी मालिकेतून बाहेर पडला आहे.

कसोटी मालिकेतून बाहेर पडणे म्हणजे बावुमा भारताविरुद्धच्या शेवटच्या सामन्यातही खेळताना दिसणार नाही. भारत आणि दक्षिण आफ्रिका यांच्यातील मालिकेतील शेवटची कसोटी 3 जानेवारी 2024 पासून केपटाऊनमध्ये खेळली जाणार आहे. त्या कसोटीतही एल्गर दक्षिण आफ्रिकेचा कर्णधार असेल.

सेंच्युरियन कसोटीत दुखापतीमुळे टेंबा बावुमाला बाहेर जावे लागले आहे. क्षेत्ररक्षण करताना त्याला दुखापत झाली होती. दुखापतीनंतर त्याचे स्कॅनिंग करण्यात आले, त्यावेळी परिस्थिती थोडी गंभीर असल्याचे दिसून आले. आणि याच कारणामुळे तो भारताविरुद्धची दुसरी आणि शेवटची कसोटी खेळताना दिसणार नाही. टेम्बा बावुमा बाहेर गेल्यानंतर कर्णधारपद डीन एल्गरकडे सोपवण्यात आले.