नवी दिल्ली : भारतातील खेळाडूंचा प्रत्येक स्पर्धेतील सहभाग व त्यांची कामगिरी आता पारदर्शक होणार आहे. भारतातील प्रत्येक खेळाडूसाठी डिजिटल प्रमाणपत्र देण्याची सोय केंद्र सरकारकडून करण्यात आली आहे, अशी माहिती केंद्रीय क्रीडामंत्री अनुराग ठाकूर यांनी गुरुवारी दिली.

अनुराग ठाकूर म्हणाले की, एक जूनपासून नव्या योजनेला सुरुवात होणार आहे. प्रत्येक क्रीडा संघटनांना याबाबत सूचना देण्यात आल्या आहेत. संघटनांकडून डिजिलॉकर येथे टाकलेल्या खेळाडूंच्या प्रमाणपत्रांनाच अधिकृतपणे गाह्य धरले जाणार आहे.

अशा खेळाडूंनाच सरकारकडून मिळणाऱ्या सुविधा घेता येणार आहेत. यामुळे क्रीडाक्षेत्रात पारदर्शकता पाहायला मिळणार आहे. हे प्रमाणपत्र खेळाडूंच्या मेहनतीचे प्रतीक असणार आहे.