The Rock In WWE : WWE मधील 2011 ते 2013 चा काळ हा द रॉक आणि जॉन सेना यांच्यातील कुस्तीने गाजला होता. आता हे दोन्ही स्टार WWE चॅम्पियन एकमेकांसमोर उभे ठाकले. द रॉकच्या बॅकस्टेज कार्यक्रमावेळी जॉन सेना देखील तेथे उपस्थित होता. या दोघांनी सुरूवातीला एकमेकांना खुन्नस दिली त्यानंतर दोघांनी एकमेकांची गळाभेट घेतली.

द रॉक अर्थात ड्वेन हा आता हॉलीवूडचा आघाडीचा अभिनेता आहे. मात्र त्याच्या सुरूवातीच्या काळात त्याला प्रसिद्धी झोतात आणण्याचे कामन हे WWE ने केले होते. याच द रॉकने WWE मध्ये अचानक एन्ट्री घेतली. जवळपास 4 वर्षानंतर रॉक WWE च्या रिंगणात परतला होता.

रिंगणात थोडावेळ टशन दाखवल्यानंतर रॉकसोबत बॅकस्टेज ड्रामा देखील झाला. त्याचा जुन्या काळातील प्रतिस्पर्धी जॉन सेना देखील तेथे होता. या दोघांनी एकमेकांना खुन्नस दिली. आता या दोघांची जुनी दुष्मनी पुन्हा उफाळून येते का असे वाटत होते. मात्र दोघांनी एकमेकांना मिठी मारत ही शक्यता फेटाळून लावली.

या आठवड्या WWE मध्ये द रॉक येणार याची कल्पनाच कोणी केली नव्हती. त्यामुळे त्याच्या येण्याने अनेक चाहत्यांना मोठा धक्का बसला.