Paris Olympics 2024: पॅरिस येथे सुरू असलेल्या ऑलिम्पिक स्पर्धेत भारताने आतापर्यंत तीन कांस्यपदके जिंकली आहेत. येत्या काही दिवसांत भारताच्या नावावर आणखी अनेक पदके येऊ शकतात. यावेळी ऑलिम्पिकमधील खेळाडूंच्या अनेक व्हिडिओ क्लिप आणि फोटो व्हायरल होत आहे.

पण अलीकडेच, 51 वर्षीय तुर्कीचा नेमबाज युसूफ डिकेक पॅरिस ऑलिम्पिकमध्ये आपल्या जबरदस्त स्टाइलमुळे चर्चेत आहे. आणि युसूफ डिकेकचा फोटो व्हायरल झाला होता, ज्यामध्ये तो एक हात खिशात ठेवून, अगदी साध्या चष्म्याने शूटिंग करताना दिसत होता. पण त्याने असा नियम साधला की थेट 10 मीटर मिश्र सांघिक स्पर्धेत रौप्य पदक जिंकले.

युसूफबद्दलच्या चर्चेदरम्यान आणखी एक फोटो व्हायरल झाला होता, ज्यामध्ये एक व्यक्ती खांद्यावर बंदूक घेऊन आणि आरशात पाहून निशाणा साधत होता. पण आता व्हायरल झालेल्या 'त्या' फोटो मागील सत्य समोर आले आहे.

ऑलिम्पिक 2024 मधील व्हायरल फोटोचं सत्य

आम्ही तुम्हाला सांगतो की, व्हायरल फोटो ज्यामध्ये शूटर आरशात पाहताना निशाणा साधत आहे तो खोटा आहे. हे फोटो फोटोशॉप करण्यात आले आहे. तसेच पॅरिस ऑलिम्पिकशी त्याचा काहीही संबंध नाही. तपासात हा फोटो बनावट असल्याचे निष्पन्न झाले आहे. फोटोत तो व्यक्ती आहे तो अभिनेता आहे.

व्हायरल फोटोतील व्यक्ती कोण?

व्हायरल झालेला हा फोटो थायलंडच्या पोंगसाक पोंगसुवानचा आहे. तो अभिनेता आणि कॉमेडियन आहे. हा फोटो थाई गेम शो "चिंग रोई चिंग लॅन" मधून काढण्यात आला, त्यानंतर त्यावर फोटोशॉप करण्यात आला. शोमधील अभिनेत्याचा फोटो क्रॉप करून पॅरिस ऑलिम्पिकशी जोडला गेला आहे.