U19 World Cup 2024 Captain Uday Sharan : भारताचा फिरकीपटू रविचंद्रन अश्विनने 19 वर्षाखालील भारतीय संघाचा कर्णधार उदय सहारनची स्तुती केली आहे. दक्षिण आफ्रिकेत सुरू असलेल्या 19 वर्षाखालील वर्ल्डकप स्पर्धेत भारतीय संघाने अंतिम फेरीत धडक मारली आहे.
उदय सहारनच्या नेतृत्वाखाली खेळणाऱ्या युवा संघाने सेमी फायनलमध्ये यजमान दक्षिण आफ्रिकेचा पराभव केला होता. भारताची अवस्था 4 बाद 32 धावा अशी झाली असताना उदय सहारन आणि सचिन धस यांनी दमदार भागीदारी रचत भारताच्या विजयात मोठा वाटा उचलला होता.
दरम्यान रविचंद्रन अश्विनला कर्णधार उदय सहारनची ही खेळी चांगलीच भावली. त्याने उदय सहारनची तुलना भारतीय संघातील मॅच फिनिशरशी केली. अश्विन आपल्या यूट्यूब चॅनलवर बोलताना म्हणाला की, 'अनेक लोकं यंदाच्या वर्ल्डकपमध्ये उदय सहारनच्या रूपाने भारताला पुढचा सुपर स्टार मिळाला अशी चर्चा करत आहेत.'
'तो पहिला कर्णधार आहे ज्याने स्पर्धेत सर्वाधिक धावा केल्या आहेत. फक्त धावांचा विषय नाही तर त्याची सामना जिंकून देण्याची क्षमता मला जास्त बावली. त्याची शांत चित्ताने खेळ करण्याची वृत्ती जास्त प्रभावी आहे.'
'त्याच्या खेळ पाहताना त्याच्यामध्ये रिंकू सिंहची झलक दिसते. रिंकूसारखेच गुण त्याच्यामध्ये आहेत. तो संघाला आश्वस्त करतो. तो शांत स्वभावाचा आहे. त्याच्याकडे आत्मविश्वासाची कमतरता नाही.'
उदय सहारनने यंदाच्या 19 वर्षाखालील वर्ल्डकपध्ये आतापर्यंत सहा सामन्यात 389 धावा केल्या आहेत. त्याची सरासरी ही 64.83 असून त्याने तीन अर्धशतकी आणि एक शतकी खेळी केली आहे.
सेमी फायनलमध्ये दक्षिण आफ्रिकेविरूद्ध सहारनने 81 धावांची दमदार खेळी केली. या खेळीमुळे भारताला विजय मिळवता आला. त्याने सचिन धससोबत 171 धावांची भागीदारी रचली. सचिन धसने देखील 95 चेंडूत 96 धावांची आक्रमक खेळी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.