U19 World Cup 2024 AUS vs PAK : आयसीसी 19 वर्षाखालील वर्ल्डकप 2024 ची दुसरी सेमी फायनल ही जबरदस्त झाली. शेवटच्या षटकापर्यंत रंगलेल्या या सामन्यात ऑस्ट्रेलियाने पाकिस्तानचा अवघ्या 1 विकेट्सने पराभव करत फायनल गाठली. पाकिस्तानने 180 धावांचे छोटे आव्हान डिफेंड करताना कांगारूंना चांगलाच घाम फोडला होता. मात्र राफ मॅकमिलनने 19 धावांची महत्वपूर्ण खेळी करून कांगारूंना विजय मिळवून दिला.
मोहम्मद जिशान टाकत असलेल्या शेवटच्या षटकात 3 धावांची गरज असताना षटकाच्या पहिल्याच चेंडूवर मॅकमिलनच्या बाद होता होता वाचला मात्र चेंडू बॅटची कडा घेऊन सीमारेषेच्या पार पोहचल्यामुळे ऑस्ट्रेलियाचा विजय सोपा झाला. ऑस्ट्रेलियाच्या विजयानंतर पाकिस्तानच्या संघ उद्ध्वस्त झालेला दिसला. जसा चेंडू सीमापार गेला पाकिस्तानचे सर्व खेळाडू मैदानावरच बसले. निराश झालेल्या खेळाडूंचा हा व्हिडिओ सध्या सोशल मीडियावर व्हायरल होत आहे.
सामन्याबद्दल बोलायचं झालं तर ऑस्ट्रेलियाने नाणेफेक जिंकून पाकिस्तानला 179 धावांमध्ये रोखले होते. ऑस्ट्रेलियाकडून टॉम स्ट्रेकरने 6 विकेट्स घेतल्या. पाकिस्तानकडून अझान अवैस आणि अराफत मिनहास यांनी प्रत्येकी 52 धावा केल्या होत्या.
पाकिस्तानला 179 धावात गुंडाळल्यानंतर ऑस्ट्रेलिया हा सामना आरामात जिंकले असे वाटले होते. मात्र पाकिस्तानी गोलंदाजांनी दमदार गोलंदाजी करत एका-एका धावेसाठी कांगारूंना झुंजवले. त्यांनी सामना शेवटच्या षटकापर्यंत नेला. अली रझाने 4 तर अराफत मिनहासने दोन विकेट्स घेतल्या. कांगारूंची अवस्था 9 बाद 164 धावा अशी केली. अखेर मॅकमिलनने 19 धावांची खेळी करत ऑस्ट्रेलियाला विजय मिळवून दिला.
ऑस्ट्रेलिया आणि भारत यांच्यात 11 फेब्रुवारीला अंतिम सामना होणार आहे. भारताने आतापर्यंत 5 वेळा 19 वर्षाखालील वर्ल्डकप जिंकला आहे. नुकत्याच झालेल्या वनडे वर्ल्डकपमध्ये भारतीय वरिष्ठ संघ ऑस्ट्रेलियाकडून पराभूत झाला होता. त्या पराभवाची परतफेड करण्याची संधी युवा संघाकडे आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.