Vijay Hazare Trophy 2021, Himachal Pradesh vs Tamil Nadu, Final : तामिळनाडूनं दिलेल्या डोंगराएवढ्या धावांचा पाळलाग करत हिमाचल प्रदेशनं विजय हजारे ट्रॉफीवर नाव कोरले आहे. शुभम अरोराच्या नाबाद शतकी खेळीच्या जोरावर हिमाचलनं देशांतर्गत स्पर्धेतील पहिली ट्रॉफी जिंकून नवा इतिहास रचला आहे. दिनेश कार्तिकची शतकी खेळी आणि शाहरुख खानच्या तुफान फटकेबाजीच्या जोरावर पहिल्यांदा बॅटिंग करताना तामिळनाडूनं 49.4 षटकात सर्व बाद 314 धावा केल्या होत्या. या दोघांशिवाय इंदरजीत Indrajith नं 71 चेंडूत 80 धावांचे उपयुक्त खेळी केली होती.

मोठ्या धावसंख्येचा पाठलाग करण्यासाठी मैदानात उतरलेल्या हिमाचल प्रदेशने कडक रिप्लाय दिला. शुभम अरोरा Shubham Arora (wk) आणि प्रशांत चोप्रा Prashant Chopra या सलामी जोडीनं पहिल्या नऊ षटकात 60 धावांची भागीदारी करत संघाला चांगली सुरुवात करुन दिली. धावफलकावर 60 धावा असताना साई किशोरनं प्रशांत चोप्राच्या रुपात हिमाचल प्रदेशला पहिला धक्का दिला. त्याची जागा घेण्यासाठी मैदानात उतरलेल्या Digvijay Rangi ला वाशिंग्टन सुंदरने खातेही उघडू दिले नाही. निखिल Nikhil Gangta च्या रुपात मुर्गन अश्विन याने 18 धावांवर तंबूत धाडले. त्यानंतर शुभम याने अमित कुमारच्या Amit Kumar मदतीने संघाचा डाव सावरला. या दोघांनी चौथ्या विकेटसाठी 148 धावांची भागीदारी रचली.