Virat Kohli : आज वानखेडेवर भारताचा रन मशिन विराट कोहलीने अखेर सचिन तेंडुलकरच्या 49 वनडे शतकांच्या विक्रमाशी बरोबरी करणारच असं वाटत होतं. विराट देखील 93 चेंडूत 88 धावांवर पोहचला होता. मात्र 32 वे षटक टाकणाऱ्या दिलशान मदुशंकाने तिसऱ्या चेंडूवर विराट कोहलीने झेलबाद केलं अन् सचिनचं रेकॉर्ड वानखेडेवरच तुटण्यापासून वाचलं.
श्रीलंकेने नाणेफेक जिंकून प्रथम गोलंदाजी करण्याचा निर्णय घेतला. डावखुऱ्या दिलशान मदुशंकाने भारताला रोहितच्या रूपांना पहिला अन् मोठा धक्का दिला. त्याने 4 धावांवर रोहितचा त्रिफळा उडवला.
मात्र त्यानंतर विराट कोहली आणि शुभमन गिलने दुसऱ्या विकेटसाठी 193 धावांची दमदार भागीदारी रचत भारताच्या मोठ्या धावसंख्येचा पाया रचला. यादरम्यान दोन्ही खेळाडू हे आपल्या शतकाच्या जवळ पोहचले होते.
सलामीवीर गिलने 11 चौकार आणि 2 षटकारांच्या सहाय्याने 92 चेंडूत 92 धावा केल्या होत्या. मात्र त्याला दिलशान मदुशंकाने बाद करत भारताला दुसरा धक्का दिला. गिलचे शतक अवघ्या 8 धावांनी हुकले.
शुभमन गिलच्या शतक हुकण्याचे दुःख थोडं कमी होतय ना होतय तोच दिलशान मदुशंकाने देखील भारतीय चाहत्यांना एक मोठा धक्का दिला. 88 धावांवर खेळणाऱ्या विराट कोहलीला निसंकाकरवी झेलबाद करत विराटच्या सर्व चाहत्यांचे ह्रदय तोडले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.