Virat Kohli Old Video Viral : विराट कोहली आणि रोहित शर्मा  खूप जवळचे मित्र आहेत. त्यांना एकमेकांबद्दल खूप माहितीही आहे. अलीकडेच रोहितसोबत एक ब्रेन फेड मोमेंट पाहिला मिळाला, त्यानंतर आता विराट कोहलीचा जुना व्हिडिओ सोशल मीडियावर व्हायरल होत आहे. या व्हिडिओमध्ये विराट रोहितला विसरभोळा सांगत आहे.

व्हायरल व्हिडिओ कोहलीच्या जुन्या मुलाखतीचा आहे. रोहित शर्मा विषयी बोलताना कोहलीने सांगितले की तो अनेकदा त्याच्या महत्त्वाच्या गोष्टी विसरतो. रोहित जितका विसरतो तितका मी कोणीही विसरलेला पाहिला नाही. आयपॅड, वॉलेट, फोन… म्हणजे छोटी कामं नसून रोजच्या वापरातल्या मोठमोठ्या गोष्टींचाही अनेकदा विसरतो, घेता येतील नवीन म्हणत असतो. कधीकधी त्याला अर्ध्या आल्यावर कळते की त्याचा आयपॅड विमानातच राहिला होता.

भारत विरुद्ध न्यूझीलंड दुसऱ्या एकदिवसीय सामन्याच्या नाणेफेकीच्या वेळी भारतीय कर्णधार रोहित शर्मा फलंदाजी करायची की गोलंदाजी हेच विसरला होता. तब्बल 15 सेकंद विचार केल्यानंतर त्याने गोलंदाजी करण्याचा निर्णय घेतला. सोशल मीडियावर लोक त्याला गजनी म्हणत आहेत. 

तीन सामन्यांच्या वनडे मालिकेत भारतीय संघाने 2-0 अशी आघाडी घेतली आहे. दुसऱ्या वनडेबद्दल बोलायचे झाले तर, येथे भारतीय संघाने नाणेफेक जिंकून प्रथम गोलंदाजी करण्याचा निर्णय घेतला, त्यानंतर न्यूझीलंडने 34.3 षटकात फक्त 108 धावा केल्या. प्रत्युत्तरात भारतीय संघाने रोहित (51) आणि शुभमन गिल (40) यांच्या खेळीच्या जोरावर अवघ्या 20.1 षटकांत 109 धावांचे लक्ष्य गाठले.