गेल्या पाच पैकी चार इनिंग्समध्ये विराट ठरला अपयशी

Ind vs Eng 3rd Test: भारतीय संघावर (Team India) तिसऱ्या कसोटीच्या पहिल्या दिवशी (Day 1) ७८ धावांत बाद होण्याची नामुष्की ओढवली. जेम्स अँडरसन (James Anderson), ओली रॉबिन्सन, सॅम करन आणि ओव्हरटन या चौघांनी टीम इंडियाचं कंबरडं मोडलं. मुंबईकर (Mumbai) रोहित शर्मा (Rohit Sharma) आणि अजिंक्य रहाणे (Ajinkya Rahane) वगळता इतर कोणालाही दोन आकडी धावसंख्या गाठता आली नाही. महान फलंदाजांच्या यादीत गणना होणाऱ्या विराट कोहलीलाही (Virat Kohli) स्वस्तात तंबूत परतावं लागलं. विराटने ७ धावा केल्या. अँडरससने त्याला आपल्या जाळ्यात बरोबर अडकवले. कसोटी मालिका सुरू झाल्यापासून गेल्या पाच पैकी चार डावांमध्ये विराट अपयशी ठरला. त्याच्या या सततच्या खराब कामगिरीवर लिटल मास्टर सुनील गावसकर (Sunil Gavaskar Angry and Unhappy) प्रचंड नाराज झाले. त्यांनी विराटला थेट एक सल्ला (Advice) दिला.

भारताच्या पहिल्या डावात ११व्या षटकात अँडरसन गोलंदाजी करत होता. भारताने झटपट दोन गडी गमावले होते. त्यामुळे विराट आणि रोहित यांच्या भागीदारी होणं महत्त्वाचं होतं, पण अँडरसनने स्टंपच्या अतिशय जवळून चेंडू आऊटस्विंग केला. विराटला तो चेंडू खेळणं भागच होतं पण स्विंगचा अंदाज न आल्याने विराट झेलबाद झाला. त्यानंतर कॉमेंट्री बॉक्समध्ये असलेले सुनील गावसकर विराटवर भलतेच नाराज झाले. ते म्हणाले, "आता बास झाला. मला वाटत आता मात्र विराटने थेट सचिन तेंडुलकरला फोन करून त्याची मदत घेण्याची वेळ आहे. विराटने थेट त्याला फोन करावा आणि त्याला विचारावं की सुधारणा करण्यासाठी मी नक्की काय करू?"

विराट बाद झाल्यानंतर काही वेळातच संपूर्ण संघ बाद झाला आणि इंग्लंडच्या संघाने त्यानंतर दिवसाचा खेळ संपेपर्यंत बिनबाद १२० धावा ठोकल्या.

त्याआधी भारतीय संघाने टॉस जिंकून प्रथम फलंदाजीचा धाडसी निर्णय घेतला आणि तो पूर्णपणे चुकला. भारताचा डाव अवघ्या ७८ धावांत कोलमडला. इंग्लंडच्या वेगवान चौकडीने भारतीय फलंदाजीचे कंबरडे मोडले. अँडरसन आणि ओव्हरटनने प्रत्येकी ३ तर रॉबिन्सन आणि करनने २-२ गडी बाद केले. त्यामुळे आता विराटसेना दुसऱ्या दिवसापासून कसा खेळ करते याकडे साऱ्यांचे लक्ष आहे.