India Vs West Indies 2nd T20I : भारत आणि वेस्ट इंडीज यांच्यातील दुसऱ्या टी 20 सामन्यात देखील भारताला पराभवाचीच चव चाखावी लागली. प्रथम फलंदाजी करणाऱ्या भारताने विंडीजसमोर विजयासाठी 153 धावांचे आव्हान ठेवले होते. मात्र हे आव्हान विंडीजने 2 विकेट्स राखूनच पार केले.

निकोलस पूरनची 67 धावांची खेळी अकील हुसैन (नाबाद 14 धावा) आणि अल्झारी जोसेफ (नाबाद 10 धावा) यांनी वाया जाऊ दिली नाही. भारताकडून कर्णधार हार्दिक पांड्याने 3 तर युझवेंद्र चहलने 2 विकेट्स घेतल्या

तत्पूर्वी, भारताने वेस्ट इंडीज विरूद्धाच्या दुसऱ्या टी 20 सामन्यात प्रथम फलंदाजी करत 20 षटकात 7 बाद 152 धावा केल्या. भारताकडून युवा फलंदाज तिलक वर्माने पहिल्या टी 20 सामन्याप्रमाणे दुसऱ्याही सामन्यात दमदार खेळी केली. 20 वर्षाच्या तिलकने दुसऱ्याच सामन्यात आपले पहिले आंतरराष्ट्रीय अर्धशतक ठोकले.

तिलक वर्मा सोडला तर इतर भारतीय फलंदाजांनी निराशाच केली. सूर्यकुमार यादव तर 1 धाव करून धावबाद झाला अन् संजूने 7 धावांचे योगदान देत पॅव्हेलियन गाठले. इशान किशनने 27 तर हार्दिक पांड्याने 24 धावांचे योगदान दिले. विंडीजकडून अकील हुसैन आणि अल्झारी जोसेफ यांनी प्रत्येकी 2 विकेट्स घेतल्या.

निकोलस पूरन क्रिजवर होता तेव्हा विंडीतने 14 षटकात 4 बाद 127 धावांपर्यंत मजल मारली होती. मात्र मुकेश कुमारने 40 चेंडूत 67 धावा करणाऱ्या पूरनला बाद केलं अन् विंडीजचा डाव घसरला.

रोमारियो शेफर्ड शुन्यावर धावबाद झाला. त्यानंतर युझवेंद्र चहलने जेसन होल्डरला शुन्यावर स्टम्पिंग बाद केले. 16 व्या षटकाच्या शेवटच्या चेंडूवर युझवेंद्र चहलने 22 धावा करणाऱ्या हेटमायरला बाद करत विंडीचा आठवा फलंदाज 129 धावांवर माघारी धाडला.

हार्दिक पांड्याने वेस्ट इंडीजला पाठोपाठ दोन धक्के दिल्यानंतर कायल मेयर्स आणि निकोलस पूरन यांनी विंडीजचा डाव सावरला. त्यांनी आक्रमक फलंदाजी करत पॉवर प्लेचा चांगला उपयोग करून घेतला.

निकोलस पूरनने त्यानंतरही आपला धडाका कायम ठेवत फक्त 29 चेंडूत अर्धशतकी खेळी केली. त्याला मेयर्सने 15 तर कर्णधार रोव्हमन पॉवेलने 21 धावांची साथ दिली. पूरनच्या धडाकेबाज फलंदाजीमुळे विंडीजने 12 व्या षटकातच शतक पार केले.

भारताचे 153 धावांचे आव्हान घेऊन मैदानात आलेल्या विंडीजला हार्दिक पांड्याने पहिल्याच चेंडूवर ब्रँडन किगला बाद केले.

तिलक वर्माने आपल्या दुसऱ्याच आंतरराष्ट्रीय सामन्यात तिलक वर्माने अर्धशतक ठोकत आपल्या कारकिर्दीची धडाकेबाज सुरूवात केली.

भारतीय संघ शुभमन गिलच्या धक्क्यातून सावरण्याचा प्रयत्न करत असतानाच विंडीजने भारताला दुसरा धक्का दिला. स्टार सूर्यकुमार यादवला अवघ्या 1 धावेवर धावबाद करत भारताची अवस्था 2 बाद 18 धावा अशी केली.

वेस्ट इंडीजने दुसऱ्या टी 20 सामन्यात तिसऱ्या षटकातच भारताला पहिला धक्का दिला. अल्झारी जोसेफने सलामीवीर शुभमन गिलला 7 धावांवर बाद करत आपला 100 वा टी 20 बळी टिपला.

हार्दिक पांड्याने अखेर विंडीजमध्ये नाणेफेक जिंकली आहे. त्याने प्रथम फलंदाजी करण्याचा निर्णय घेतला. भारतीय संघात एक बदल आहे. कुलदीप यादवला सरावावेळी छोटी दुखापत झाली असून त्याच्या ऐवजी संघात रवी बिश्नोईला संधी मिळाली आहे.