Wi vs Ind Squad Test 2023 Cheteshwar Pujara : वेस्ट इंडिज दौऱ्यासाठी चेतेश्वर पुजाराची भारतीय कसोटी संघातून हकालपट्टी झाल्याने अनेक दिग्गजांना आश्चर्याचा धक्का बसला आहे. डब्ल्यूटीसी फायनलच्या दोन्ही डावात पुजारा फ्लॉप ठरला होता, त्यामुळे त्याला संघातून बाहेर काढले.
पुजाराच्या जागी यशस्वी जैस्वालला कसोटी संघात संधी मिळाली आहे. निवड समितीच्या या निर्णयावर चेतेश्वर पुजाराचे वडील अरविंद पुजाराने आपली प्रतिक्रिया दिली आहे.
अरविंद पुजाराने इंडियन एक्स्प्रेसशी केलेल्या संवादात म्हटले आहे की, त्यांचा मुलगा मानसिकदृष्ट्या खूप मजबूत आहे, मी निवडीवर भाष्य करू शकत नाही, परंतु दुलीप ट्रॉफी संघ जाहीर झाल्यापासून तो नेटमध्ये जोरदार सराव करत आहे.
पुजाराच्या वडिलांनी पुढे सांगितले की, चेतेश्वर यापुढेही काउंटी क्रिकेट खेळत राहील. वडील आणि कोच म्हणून चेतेश्वर आता पुनरागमन करेल यावर मला विश्वास आहे.
चेतेश्वर पुजाराला कसोटी संघातून बाहेरचा रस्ता दाखविल्यानंतर दुलीप ट्रॉफीसाठी पश्चिम विभागीय संघात सामील करण्यात आले आहे. पुजारा 7 वर्षांनंतर देशांतर्गत क्रिकेटमध्ये खेळताना दिसणार आहे.
यशस्वी जैस्वालच्या जागी पुजाराचा पश्चिम विभागात समावेश करण्यात आला आहे. त्याचबरोबर ऋतुराज गायकवाड यांच्या जागी पश्चिम विभागात सूर्यकुमार यादवला संधी मिळाली आहे. यशस्वी आणि ऋतुराज हे वेस्ट इंडिज दौऱ्यासाठी टीम इंडियाचा भाग आहेत. 28 जूनपासून दुलीप ट्रॉफीला सुरुवात होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.