World Cup 2023 Ind vs Aus: ऑस्ट्रेलियन कर्णधार पॅट कमिन्सने भारताविरुद्धच्या विश्वचषक 2023 च्या फायनलपूर्वी सांगितले होते की, अहमदाबादच्या नरेंद्र मोदी स्टेडियमवर उपस्थित असलेल्या 1 लाख 30 हजार चाहत्यांना शांत करण्याच्या उद्देशाने मी मैदानात उतरणार आहे आणि जेव्हा तो फायनलसाठी मैदानात उतरला तेव्हा तो जे म्हणाला. त्याने ते करुन दाखवलं.

कमिन्सने आधी श्रेयस अय्यरला पॅव्हेलियनचा रस्ता दाखवला आणि नंतर विराट कोहलीला बाद करून चाहत्यांना धक्का दिला.

29व्या षटकाच्या तिसऱ्या चेंडूवर कमिन्सने कोहलीला बोल्ड केले आणि कोहलीचा त्रिफळा उडवल्यानंतर संपूर्ण स्टेडियममध्ये शांतता पसरली आणि ऑस्ट्रेलियन कॅम्पमध्ये जल्लोषाचे वातावरण निर्माण झाले. विराट कोहलीही खूप निराश दिसत होता कारण त्याला थर्ड मॅनच्या दिशेने सिंगलसाठी खेळायचे होते पण चेंडू त्याच्या बॅटला लागला आणि स्टंपमध्ये गेला आणि त्याला आऊट झाल्यावर पॅव्हेलियनमध्ये जावं लागलं.

जर या सामन्याबद्दल बोलायचं झालं तर सध्या संथ खेळपट्टीवर कांगारू गोलंदाजांचे वर्चस्व दिसून येत आहे. ताजी बातमी लिहेपर्यंत, भारताने ४० षटकात 5 गडी गमावून १९७ धावा केल्या आहेत आणि केएल राहुलने क्रीझवर सूर्यकुमार यादवसह अर्धशतक झळकावल्यानंतर नाबाद आहे. भारतीय संघाला चांगल्या धावसंख्येपर्यंत नेण्याची जबाबदारी आता या दोघांच्या खांद्यावर असेल.

या सामन्यात ऑस्ट्रेलियाने नाणेफेक जिंकून प्रथम गोलंदाजी करण्याचा निर्णय घेतला आणि ऑस्ट्रेलियन गोलंदाजांनी आपल्या कर्णधाराचा निर्णय योग्य असल्याचे सिद्ध केले आणि भारताच्या आघाडीच्या फळीला झटपट उद्ध्वस्त केले. भारताला सुरुवातीला लागोपाठ धक्के बसल्यानंतर भारताचा खेळ संथ झाला आहे आणि चौकार, षटकारांचा दुष्काळ बघायला मिळतोय. (Latest Marathi News)