World Cup 2023 : २०२३च्या विश्वचषक स्पर्धेत बुधवारी (दि. ११ ऑक्टोबर) भारत आणि अफगाणिस्तान हे संघ एकमेकांना भिडले. या सामन्यात भारताने अफगाणिस्तावर ८ गडी राखून विजय मिळवला. यात रोहित शर्माने शतक तर झळकावलंच, पण त्याबरोबर अनेक विक्रमही मोडून काढले. या सामन्यात अशी एक घटना घडली, जी बघून प्रत्येक भारतीयाच्या अंगावर शहारा आल्याशिवाय राहणार नाही.

भारतीय संघ फलंदाजी करण्यासाठी मैदानात उतरला होता. इशान किशन आणि रोहित शर्माची फटकेबाजी सुरु होती. भारताचा विजय जवळपास निश्चितच होता. तितक्यात स्टेडीअममध्ये काळाकुट्ट अंधार होतो आणि एक गाणं एकासुरात प्रेक्षक गायला लागतात. ते गाणं म्हणजे, मां तुझे सलाम.

हे गाणं गात असताना चाहत्यांनी आपला फोन बाहेर काढलेला होता आणि टॉर्च चालू करुन हात वर केलेला होता. हा नजारा पाहून प्रत्येक भारतीला शहारा आल्याशिवाय राहणार नाही.

२०११च्या विश्वचषकात देखील अशीच एक घटना घडली होती. महेंद्र सिंह धोनी फलंदाजी कऱत असताना प्रेक्षकांनी अचानक 'मा तुझे सलाम' गाणं गायला सुरुवात केली होती. एका मुलाखतीत धोनीने सांगितले होते की हा त्याच्या आयुष्यातील विस्मरणीय क्षण होता. (Latest Marathi News)