Fake World Cup Ticket Link:

भारतामध्ये तब्बल ११ वर्षांनंतर एकदिवसीय क्रिकेट विश्वचषक स्पर्धा खेळवली जात आहे. भारतामध्ये तेवढा उत्साही चाहतावर्ग देखील आहे. अनेक असे लोक आहेत, ज्यांना भारताचा क्रिकेट सामना थेट स्टेडियममध्ये जाऊन बघण्याची इच्छा असते. अनेकवेळा या तिकीटांची काळाबाजारी केली जाते.

काही लोकांकडून ही तिकीटं दुप्पट-तिप्पट किमतीने विकली जातात. त्यामुळे सामना स्टेडियममध्ये जाऊन बघण्याची इच्छा खिशावर ताण निर्माण करु शकते. मात्र, भारत आणि बांगलादेश सामन्याच्या तोंडावर सोशल मीडियावर नवा स्कॅम उघडकीस आला आहे.

सोशल मीडिया माध्यम 'इंस्टाग्राम'वर 'बुक माय शो'ची लिंक व्हायरल होत आहे, ज्यात भारताच्या सामन्याच्या तिकीटांची विक्री केली जात आहे. या लिंकवर भारत आणि बांगलादेश सामन्याच्या तिकीटाची विक्री सुरु आहे. हा सामना पुण्यातील गहुंजे स्टेडियमवर खेळवला जाणार आहे.

'बुक माय शो' सारख्या दिसणाऱ्या या साईटवर भारत-बांगलादेश सामन्याच्या तिकीटाची किंमत १८५० रुपये इतकी दाखवत आहे. मात्र, ही लिंक खरी नाहीये. अनेक चाहत्यांची अशा खोट्या लिंकच्या माध्यमातून फसवणूक होत आहे. त्यामुळे इतक कोणत्याही सामन्याचं तिकीट बुक करताना ऑफिशिअल साईटवरुन बुक करावं, जेणेकरुन तुमची फसवणुक होणार नाही.

भारत आणि बांग्लादेशमध्ये विश्वचषकाचा सामना पुण्याच्या गहुंजे स्टेडियमवर खेळवला जाणार आहे. हा सामना १९ ऑक्टोबर या दिवशी खेळवला जाईल. भारताने आतापर्यंत या स्पर्थेत ३ सामने खेळले आहेत . या तिनही सामन्यात भारताने दणदणीत विजय मिळवला. (Latest Marathi News)