आज आयसीसी मेन्स क्रिकेट वर्ल्डकपमध्ये होणाऱ्या हाय-व्होल्टेज भारत-पाकिस्तान क्रिकेट सामन्याचा फीव्हर सगळीकडेच पहायला मिळत आहे. सोशल मीडियामध्ये याबाबत विविध प्रकारच्या पोस्ट दिसत आहेत. लोक भारताला सपोर्ट करणाऱ्या आणि पाकिस्तानला ट्रोल करणाऱ्या पोस्ट करत आहेत. यामध्ये स्विग्गी-झोमॅटो आणि अशाच इतर कंपन्याही मागे नाहीत.

झोमॅटो म्हणतंय, फक्त बर्गर-पिझ्झा मिळेल

झोमॅटोने आपल्या एक्स हँडलवरुन एक पोस्ट शेअर केली आहे. यामध्ये त्यांचा बॅनर दिसत आहे. या बॅनरवर लिहिलंय, "प्रिय पाकिस्तान, तुम्हाला बर्गर-पिझ्झा हवा असेल तर तो मिळेल; मात्र वर्ल्डकप मिळणार नाही."

स्विग्गीचाही तडका

दुसरीकडे स्विग्गीने देखील आपल्या एक्स (twitter) अकाउंटवरुन बऱ्याच पोस्ट करत पाकिस्तानला ट्रोल केलं आहे. "या सामन्या दरम्यान पाऊस तर पडेल, मात्र तो केवळ शेजाऱ्यांच्या अश्रूंचा असेल" असं स्विग्गीने एका पोस्टमध्ये म्हटलं आहे.

इतर कंपन्याही नाहीत मागे

टिंडरनेही मजेशीर पोस्ट करत "आजच्या दिवस केवळ ग्रीन फ्लॅग्स पासून दूर रहा" असं म्हटलं आहे. तर, ब्लिंकइटने देखील "भारत जिंकावा असं वाटत असेल तर रिट्विट करा, अन् पाकिस्तान हरावा वाटत असेल तर रिप्लाय करा" अशी पोस्ट करत भारताला पाठिंबा दर्शवला आहे.