Amarnath Yatra 2024 : भारतातील प्रसिद्ध तीर्थक्षेत्र 'बाबा बर्फानी' अर्थात अमरनाथ यात्रेला नुकतीच सुरूवात झाली आहे. महादेवाचे भक्त वर्षभर या यात्रेची आतुरतेने वाट पाहत असतात. ही अमरनाथ यात्रा अतिशय खडतर मानली जाते.

जम्मू आणि काश्मीर राज्यातील अनंतनाग जिल्ह्यात बाबा बर्फानी स्थित आहे. या ठिकाणाची उंची समुद्रसपाटीपासून सुमारे ३,८८८ मीट आहे. या यात्रेचा प्रवास अतिशय कठीण मानला जातो.

या यात्रेसाठी यात्रेकरूंची तब्येत चांगली असणे आवश्यक आहे. कारण, येथील थंड वातावरण, उंचावर असलेले ठिकाण आणि कठीण मार्गासाठी तुम्ही शारिरीक आणि मानसिकरित्या मजबूत असणे आवश्यक आहे.

अमरनाथ यात्रेकरूंच्या सुरक्षिततेसाठी आणि सोयीसाठी भारत सरकार आणि विविध गैर-सरकारी संस्था वैद्यकीय शिबिरे, हेलिकॉप्टर सेवा आणि इतर सुविधांसह विविध प्रकारची व्यवस्था करतात.

या सर्व गोष्टी असूनही तुम्ही त्या ठिकाणी जाण्यापूर्वी तुमची कपड्यांची आणि इतर आवश्यक गोष्टींची नीट तयारी करणे महत्वाचे आहे. यंदाच्या वर्षी तुम्ही देखील अमरनाथ यात्रेला जाणार असाल तर पॅकिंग करताना काही गोष्टी लक्षात ठेवा. तिथे जाताना तुम्ही काही खास कपडे सोबत ठेवणे खूप गरजेचे आहे.

लोकरीचे कपडे

अमरनाथ यात्रेदरम्यान अनेक वेळा तापमान खूपच खाली जाते. या तापमानात सतत बदल होत असतात. त्यामुळे, अशा परिस्थितमध्ये तुम्ही लोकरीचे कपडे सोबत ठेवा. चांगल्या लोकरीचे कपडे आधीच खरेदी करा. तिथे जाऊन असे कपडे खरेदी करण्यात तुमचे अधिक पैसे खर्च होतील. त्यामुळे, लोकरीचे ऊबदार कपडे, शॉल, मफलर, स्टोल इत्यादी गोष्टी बॅगेत ठेवायला विसरू नका.

रेनकोट सोबत ठेवा

सध्या देशातील अनेक भागांमध्ये पावसाने दमदार हजेरी लावली आहे. अमरनाथ यात्रेला पाऊस-थंडी यांचा ऊन-सावलीचा खेळ सतत सुरू असतो. त्यामुळे, थंडीसाठी आवश्यक ऊबदार कपडे सोबत ठेवताना तुम्ही रेनकोट देखील अवश्य सोबत ठेवा.

कारण, अमरनाथ यात्रेच्या प्रवासात कधी ही पाऊस पडू शकतो. त्यामुळे, तुमच्या मापाचा आणि परफेक्ट फिटिंगचा रेनकोट अवश्य सोबत ठेवा. जेणेकरून तुमचा पावसापासून बचाव होऊ शकेल.

हातमोजे आणि टोपी

अमरनाथ यात्रेला जाण्यापूर्वी बॅगेत स्वेटर, मफलर, हातमोजे, लोकरची टोपी अवश्य सोबत ठेवा. यामुळे, तुमचे थंडीपासून संरक्षण होऊ शकेल. हातमोजे अजिबात विसरू नका. कारण, तिथल्या थंड वातावरणामुळे हात गोठायला सुरूवात होते, त्यामुळे, त्यापासून संरक्षण करण्यासाठी लोकरीच्या हातमोजे अवश्य सोबत ठेवा.

बंद गळ्याचे कपडे

अमरनाथ येथील तापमान अतिशय कमी आहे. त्यामुळे, अशा स्थितीमध्ये तुम्ही बंद गळ्याचे कपडे अवश्य सोबत ठेवा. या बंद गळ्याच्या कपड्यांमुळे तुम्हाला थंडी जाणवणार नाही.