Ashtami October 2024: यंदा शारदीय नवरात्री 3 ऑक्टोबरपासून सुरू झाली आहे. यासोबतच नऊ दिवस माता दुर्गेच्या नऊ रूपांची मनोभावे पूजा करण्याची परंपरा आहे. यासोबतच अष्टमी आणि नवमी तिथीला माता दुर्गेची विधीवत पूजा करून उपवास तोडला जातो.

मात्र यंदा नवरात्रीच्या अष्टमी आणि नवमी तिथीबाबत थोडा गोंधळ आहे. यावेळी काही तारखा दुपारपासून सुरू होऊन दुसऱ्या दिवशी दुपारी संपत आहेत. त्यामुळे अष्टमी आणि नवमी या तिथींबाबत गोंधळ निर्माण झाला आहे. जाणून घ्या नवरात्री अष्टमी आणि नवमी कधी आहे.

अष्टमी आणि नवमी कधी आहे

हिंदू पंचांग नुसार, अश्विन शुक्ल पक्षातील अष्टमी तिथी 10 ऑक्टोबर 2024 रोजी दुपारी 12:31 वाजता सुरू होईल आणि 11 ऑक्टोबर 2024 रोजी रात्री 12:06 वाजता समाप्त होईल. यानंतर नवमी तिथी सुरू होईल, जी 12 ऑक्टोबर रोजी सकाळी 10:57 वाजता समाप्त होईल. अशावेळी नवरात्रीमधील अष्टमी आणि नवमी हे 11 ऑक्टोबर 2024 ला साजरी केली जाणार आहे.

कन्यापूजनाचा शुभ मुहुर्त

महाष्टमीला कन्यापूजन करावे. 11 ऑक्टोबर रोजी सकाळी 07:47 ते 10:41 पर्यंत करता येईल. यानंतर, दुपारी 12:08 ते 1:35 पर्यंत करता येईल.

राहुकाल- रात्री 10:41 ते रात्री 12:08 पर्यंत असेल.

अष्टमी आणि नवमीचे महत्त्व

हिंदू धर्मात नवरात्रीत अष्टमी आणि नवमीला खास महत्व आहे. महाष्टमी हा नवरात्रीचा सर्वात शक्तिशाली दिवस मानला जातो, कारण या दिवशी माता दुर्गेच्या सर्वात शक्तिशाली रूपाची पूजा केली जाते. यासोबतच या दिवशी कन्यापूजन केले जाते. कन्यापूजनाला खास महत्व आहे. माता दुर्गेच्या महागौरी रूपाची महाअष्टमी आणि नवव्या दिवशी सिद्धिदात्रीची पूजा करण्याची परंपरा आहे, असे मानले जाते की या दिवशी माता दुर्गेने महिषासुरमर्दिनीचे रूप धारण करून महिषासुर नावाच्या राक्षसाचा वध केला होता. या दिवशी अनेक भक्त हवन वगैरे करून उपवास सोडतात.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.