महिलांप्रमाणेच प्रत्येक पुरूषालाही सुंदर दिसण्याचा अधिकार आहे. सध्या पुरूषांच्या रफ स्कीन, हेअर प्रॉब्लेम्सचा सामना करावा लागत आहे. त्यातही दाढी न वाढणे, किंवा चेहऱ्यावर अर्धवट दाढी वाढण्याचे प्रकार वाढले आहेत.
काहींच्या चेहऱ्यावर दाढी एखाद्या घनदाट जंगलाप्रमाणे वाढते, तर काहींची विरळ असते. दाढी येण्यासाठी अनेक तरुण वेगवेगळ्या सौंदर्य प्रसाधनांचा वापर करत असतात. जो कोणी सांगेल तो उपाय करण्यासाठी हे तरुण तयार असतात पण बरेच उपाय निकामी ठरतात. पण तुम्हाला माहितीय का दाढी वाढविण्यासाठी घरातच काही उपाय आहेत. ज्यांचा वापर करून तुम्ही दाढी वाढवू शकता. (Beard Growth Tips)
वयाच्या २५ वर्षापर्यंत दाढी वाढणे ही एक सामान्य प्रक्रिया मानली जाते. या काळात तुमची दाढी वाढत नसेल तर काळजी करण्यासारखे काही नाही. काही लोक दाढी वेळेवर न वाढणे हे कमी टेस्टोस्टेरॉनचे लक्षण मानतात. असे होत नसले तरी ते काहीवेळा तुमच्या अनुवांशिकतेवरही अवलंबून असते. काहीवेळा दाढीची वाढ योग्य प्रकारे न होण्यामागे इतर कारणे असू शकतात.
दाढीची वाढ न होण्याची कारणे
अनुवंशिकता
व्यसन करणे
पुरेशा प्रमाणात प्रोटीन्स न घेणे
ताण-तणाव
आहारात करा हे बदल
ज्याप्रकारे डोक्यावरील केसांची वाढ होण्यासाठी प्रोटिनची गरज असते अगदी त्याच प्रमाणे दाढीच्या केसांनादेखील प्रोटीनची गरज असते. त्यासाठी तुमच्या आहारात काही बदल करणं गरजेचं आहे. तुमच्या आहारात मांस, मासे, अंडी, डेअर प्रोडक्ट आणि फळांचा समावेश करा. तसेच, तुम्ही दाढीच्या केसांना अंडे आणि दही लावू शकता.
लसूण वापरा
तुम्हाला जर दाढी खुपच कमी येत असेल तर लसुण यावर रामबाण उपाय आहे. रात्री झोपण्यापूर्वी तुम्ही दाढी येण्याच्या भागावर लसून चोळा. असे एक महिना केल्याने, तुम्हाला फरक जाणवेल.
नारळाचे तेल
नारळाचे तेल केसांसाठी वरदान मानले जाते. नारळामध्ये विटामिन ई आणि फॅटी अॅसिड केस वाढवण्यासाठी पोषण देते. ज्यामुळे केसांची वाढ होण्यास मदत होते. जर तुम्हाला तुमच्या दाढीच्या केसांची वाढ करायची असेल तर तुम्ही नाराळाच्या तेलाचा उपयोग करु शकता. रोज रात्री झोपण्यापूर्वी दाढीला नाराळाचे तेल लावून मसाज करा.
बदाम तेल
बदाम तेलात विटामिन ई असते. यामध्ये अँटीऑक्सीडेंट सारखे पोषण मिळते. यामुळे केसांची वाढ होण्यास मदत होते. तसेच तुम्ही रोज सकाळी बदामाचे सेवन करा. तसेच, दाढी वाढवण्यासाठी चेहऱ्याला तेल लावा. हे तुम्हाला खुप फायद्याचे ठरेल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.