पार्टी असो किंवा काही स्पेशल प्रसंग लोक बिअर (Beer) घ्यायला विसरत नाहीत. काही लोकांच्या मनात हजारवेळा विचार येतो पण ती घेऊन कोण यायचं यामूळे बिअर टाळली जाते. काहींना ती आहे त्या जागेवर हवी असते. किंवा सगळा ग्रूप अचानक भेटल्यावर बिअरचे प्लॅनिंग झाले की ती आणायची कुठून हा प्रश्न असतो.

अशा प्रसंगांचा विचार करूनच आता बिअरची पावडर (World’s First Beer Powder) बाजारात आली आहे. ज्यामूळे तूम्ही घरीच दोन मिनिटात बिअर बनवू शकणार आहात. जर्मनीने या बिअर पावडरची निर्मिती केली आहे. जी दोन चमचे पावडर थंड पाण्यात विरघळवून थंडगार बिअर तयार केली जाते.

तूम्ही बिअरच्या बाटल्या सगळीकडे घेऊन जाऊ शकत नाही. ती स्टोअर करणेही तसे अवघडच आहे. त्यामूळे ही बिअर पावडर तूम्हाला मदत करेल. आजपर्यंत बिअर पावडर बनवता येईल आणि त्याने दोन मिनिटात बिअर तयार होईल, असे कोणी स्वप्नातही पाहिले नसेल. पण, हे सत्यात उतरवले आहे नोएटसेले ब्रुअरी यांनी.

या शोधाबद्दल ब्रुअरी यांनी सांगितले की,  ही बिअर पावडर वर्षाच्या अखेरीस बाजारात उपलब्ध होईल. बाटलीबंद बिअरच्या निर्यातीमध्ये जेवढे कार्बन उत्सर्जन होते तेवढे जास्त या पावडरमध्ये नसते. त्यामूळे तूम्ही कधीही ही पावडर विकत घेऊन ठेवू शकता.

तुम्हाला हवे तेव्हा त्यापासून बिअर बनवू शकता. हि बिअर बनवण्यासाठी तूम्ही ग्लासमध्ये केवळ दोन चमचे ही पावडर टाका. आणि त्यात थंड पाणी मिक्स करा. तूमची बिअर तयार आहे.

आम्ही तुम्हाला सांगतो की, जर तुम्ही या प्रश्नाचे उत्तर देत असाल की, बीअर पावडर भारतात कधी येणार आहे, तर तुम्हाला आणखी काही काळ वाट पाहावी लागेल, कारण भारतात प्रवेश करण्यासाठी अनेक कायदेशीर प्रक्रियेतून जावे लागेल. सध्या ते फक्त जर्मनीमध्ये उपलब्ध आहे, ते संपूर्ण जगात आलेले नाही.