Rosemary Oil for Hairs : रोझमेरी ऑईल हे आपल्या आरोग्यासाठी फायदेशीर आहे. हे तेल रोझमेरी वनस्पतीच्या पानांपासून तयार केले जाते. या पानांवर स्टीम डिस्टिलेशनची प्रक्रिया करून हे तेल काढले जाते. या तेलाचा सुगंध अतिशय सुंदर आहे.
आरोग्यासोबतच केसांसाठी देखील या तेलाचा आवर्जून वापर केला जातो. शॅंम्पू, कंडिशनर आणि हेअर ऑईलच्या रूपात या तेलाचा वापर केला जातो. हे तेल केसांसाठी अतिशय लाभदायी आहे.
या तेलामुळे केसांचे छान पोषण होते आणि केस मजबूत होण्यास मदत होते. आज आपण केसांसाठी फायदेशीर असलेल्या रोझमेरी तेलाचे फायदे जाणून घेणार आहोत.
अकाली पांढरे केस होण्याची समस्या दिवसेंदिवस वाढत चालली आहे. हे पांढरे केस लपवण्यासाठी अनेक उपाय केले जातात. मात्र, तुम्हाला या समस्येपासून आराम मिळवून देण्याचे काम रोझमेरीचे तेल करते.
रोझमेरीचे तेल नियमितपणे केसांना लावल्याने केसांच्या इतर समस्या आणि केस अकाली पांढरे होण्याची समस्या कमी होण्यास मदत होऊ शकेल. त्यामुळे, या रोझमेरी ऑईलचा अवश्य वापर करा.
रोझमेरी ऑईलमध्ये पोषकतत्वांचे भरपूर प्रमाण आढळून येते. त्यामुळे, हे तेल केसांच्या आरोग्यासाठी अतिशय फायदेशीर आहे. यामध्ये आढळून येणाऱ्या अँटीफंगल गुणधर्मांमुळे केसांचा टाळू निरोगी राहण्यास मदत होते.
हे रोझमेरी ऑईल इतर तेलांमध्ये मिसळून लावल्यास केसांना छान चमक येते. शिवाय, केसांची वाढ होण्यासाठी हे तेल फायदेशीर आहे.
फाटे फुटलेले केस अजिबात चांगले दिसत नाही. अशा केसांमुळे मग केस खराब दिसू लागतात. जर तुमच्या केसांमध्ये फाटे फुटण्याची समस्या असेल तर, रोझमेरी ऑईल या समस्येपासून तुमची सुटका करू शकेल.
फाटे फुटलेल्या केसांपासून सुटका करून घेण्यासाठी आणि केसांच्या मजबूतीसाठी रोझमेरी ऑईल अतिशय लाभदायी आहे. तुम्ही या तेलाचा वापर करून केसांची मजबूती वाढवू शकता आणि फाटे फुटलेल्या केसांपासून सुटका करून घेऊ शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.