कॅल्शियम आपल्या शरीरासाठी खूप महत्वाचे आहे. आपल्या शरीराला सर्व पोषक तत्वांची गरज असते. शरीराचा पोषक तत्वांशिवाय विकास होणे शक्य नाही. सर्व वयोगटातील लोकांसाठी पोषक तत्वे आवश्यक असल्याचे आरोग्य तज्ज्ञांचे म्हणणे आहे. यातील सर्वात महत्त्वाचे म्हणजे कॅल्शियम. हा एक प्रकारचा मिनरल आहे, जो हाडांच्या आरोग्यासाठी आवश्यक आहे.

शरीरातील 99 टक्के कॅल्शियम हाडे आणि दातांमध्ये आढळते. येथे आम्ही तुम्हाला त्या पदार्थांबद्दल सांगणार आहोत, ज्यामध्ये दुधापेक्षा जास्त पोषक तत्वे आढळतात.

टोफू

अनेकदा तुम्ही टोफू खाल्ले असेल. हे कमी चरबी आणि प्रथिनांचे समृद्ध स्त्रोत मानले जाते. तसेच टोफूमध्ये भरपूर कॅल्शियम आढळते. हा वनस्पती आधारित आहार आहे आणि शाकाहारी लोकांसाठी हा बेस्ट पर्याय आहे.

दही

दही हे आंबवलेले अन्न आहे आणि उन्हाळ्यात ते भरपूर खाल्ले जाते. त्याचा शरीराला अनेक प्रकारे फायदा होतो. पण तुम्हाला माहित आहे का की दुधापेक्षा दह्यात जास्त कॅल्शियम आढळते.

नाचणी

नाचणीमध्ये कॅल्शियमचे प्रमाण सर्वाधिक असते. 100 ग्रॅम नाचणीमध्ये 345 मिलीग्राम कॅल्शियम आढळते. आरोग्य तज्ञ म्हणतात की नाचणी आठवड्यातून 4 वेळा खाणे आवश्यक आहे.

ऑरेंज ज्यूस

संत्र्याच्या ज्यूसमध्ये व्हिटॅमिन सी मुबलक प्रमाणात आढळते, परंतु ते कॅल्शियमचा एक समृद्ध स्रोत देखील आहे. ज्या लोकांना दूध प्यायला आवडत नाही ते त्यांच्या आहारात संत्र्याच्या ज्यूसचा समावेश करू शकतात.

बिया

भोपळा आणि सूर्यफुलाच्या बियांमध्ये कॅल्शियम मुबलक प्रमाणात आढळते. विशेष म्हणजे या बियांमध्ये कॅल्शियमचे प्रमाण दुधापेक्षा जास्त असते.