Monsoon Foot Care : पावसाळा आला की अनेक समस्यांमध्ये भर पडते. त्यापैकीच एक म्हणजे पावसाच्या पाण्यामुळे होणारे बुरशीजन्य संसर्ग. पावसाळ्यात पाय अनेकदा पाण्यात भिजतात आणि त्यामुळे बुरशीजन्य संसर्गाचा धोका वाढतो. या संसर्गामुळे सूज, खाज, पुरळ, डाग,घाण वास येणे यांसारखे त्रास सुरू होतात.

या टिप्संचा अवलंब करून तुम्ही तुमचे पाय बुरशीजन्य संसर्गामुळे वाचवू शकता:

1. पाय स्वच्छ ठेवा: पावसाळ्यात, तुम्ही घरी आल्यावर तुमचे पाय कोमट पाण्याने चांगले धुवा आणि पूर्णपणे कोरडे करा.

2. योग्य पादत्राणे निवडा: पावसाळ्यात कापडी शूज, उघड्या सँडल टाळा. रबरचे किंवा चामड्याचे शूज घाला जे पाण्यातून तुमचे पाय वाचवू शकतील.

3. नखे स्वच्छ ठेवा: नखांमध्ये घाण किंवा माती साचू नये म्हणून नखे व्यवस्थित ट्रिम करून ठेवा.

4. मीठ किंवा कडुलिंबाच्या पाण्यात पाय बुडवा: जर तुमचा पाय बराच वेळ पाण्याच्या संपर्कात राहिला असेल तर घरी आल्यावर तुमचे पाय मिठाच्या पाण्यात किंवा कडुलिंबाच्या पाण्यात काही वेळ बुडवून ठेवा.

5. अँटी-फंगल क्रीम लावा: पाय स्वच्छ केल्यानंतर, बुरशीजन्य संसर्ग रोखण्यासाठी अँटी-फंगल क्रीम लावा.

6. सूती मोजे घाला: सूती किंवा ओलावा शोषून घेणारे मोजे घाला. हे पाय कोरडे ठेवण्यास मदत करते. मोजे नियमित बदला.

7. शूज सुकवून घ्या: तुमचे शूज ओले झाल्यास, त्यांना पूर्णपणे सुकण्यासाठी वेळ द्या. थोडे ओले शूज घालणे टाळा.

या टिप्संचा अवलंब करून तुम्ही पावसाळ्यात तुमचे पाय फ्रेश आणि बुरशीजन्य संसर्गापासून सुरक्षित ठेऊ शकता. त्याच बरोबर पायाला येणारी दुर्गंधी देखील दूर करू शकता.