CCF Tea For Thyroid :

भारतीय मसाल्यांमध्ये औषधी गुणधर्म भरपूर असतात. त्यामुळेच आपल्या आहारात सगळ्या मसाल्यांचा पुरेपूर वापर केला जातो. आपल्या स्वयंपाकघरात असलेला मसाला आपल्या आरोग्यासाठी फायदेशीर आहे. आरोग्याच्या अनेक समस्या सोडवण्यातही तो आपल्याला मदत करतो.

जेव्हा स्वयंपाकघरातील मसाले आणि आरोग्य यावर चर्चा केली जाते. तेव्हा हळदीबद्दल जास्त बोललं जातं. पण, डब्यात असलेले अनेक पदार्थ आहेत जे तुम्हाला गंभीर समस्यांमध्येही गुणकारी फायदे देतात. आज आपण जिरे, धणे आणि बडिशेपबद्दल जाणून घेणार आहोत. ज्याचे थायरॉईडमध्ये अनेक फायदे आहेत. (CCF Tea Cumin, Coriander, Fennel)

आहारात बडिशेप, जिरे आणि धणे खाण्याचे फायदे

• - हे आंतड्याचे आरोग्य सुधारण्यास मदत करू शकते

• - त्वचेशी संबंधित समस्या दूर ठेवू शकते

• - हा चहा मासिक पाळीच्या क्रॅम्प्सपासून आराम मिळवण्यासाठी फायदेशीर आहे

• - शरीराला डिटॉक्स करण्यास मदत करतो.

• - हे तीन घटक रोगप्रतिकारशक्ती वाढवण्यास देखील मदत करतात

थायरॉईडवर कसा काम करतो हा चहा

हायपर थायरॉईडच्या बाबतीत थायरॉईड संप्रेरक (T3 आणि T4) सीरमची पातळी कमी करण्यासाठी मदत होते.

बडीशेप जास्त प्रमाणात सेवन केल्याने हायपोथायरॉईडीझमच्या रुग्णांमध्ये बद्धकोष्ठतेची लक्षणे कमी होण्यास मदत होते.  

हा चहा कसा बनवायचा?

जिरे, धणे आणि बडीशेप प्रत्येकी अर्धा चमचा घ्या. सर्व साहित्य २ कप पाण्यात उकळून ते अर्धे करावे. हा चहा तुमचा मूड फ्रेश करेल. हवे असेल तर त्यामध्ये तुम्ही मधही घालू शकता.