Healthy Hair: पावसाळा अनेकांचा आवडता ऋतू आहे. पण या ऋतूमध्ये त्वचेसह केसासंबंधित समस्या देखील निर्माण होतात. या दिवसांमध्ये केस देखील खुप गळतात. यामुळे केसांची योग्य काळजी घेणे गरजेचे असते. अनेकांच्या केसांमध्ये शॅम्पू केल्यानंतरही दुर्गंधी येऊ शकते. ही समस्या दूर करण्यसाठी पुढील घरगुती गोष्टींचा वापर करू शकता.

लिंबाचा रस

जर तुमच्या केसांमधून शॅम्पू केल्यानंतर देखील वास येत असेल तर लिंबाच्या रसाचा वापर करू शकता. यासाठी पाण्यात २-३ लिंबाचे थेंब पाण्यात मिक्स करावे. केस धुतल्यानंतर या पाण्याने केस धुवावे. लिंबूमध्ये अँटीबॅक्टेरियल आणि अँटीफंगल गुणधर्म असतात जे केसांमधला दुर्गंध दूर करतात.

टी ट्री ऑइल

केसांना शॅम्पू केल्यानंतर देखील वास येत असेल तर टी ट्री ऑइलचा वापर करू शकता. टी ट्री ऑइलचे काही थेंब शॅम्पूमध्ये मिक्स करावे आणि केस धुवावे. तेलामध्ये जंतुनाशक गुणधर्म असतात,जे टाळूला निरोगी ठेवण्यास मदत करतात. यासोबतच केसांचा वास कमी करण्यास मदत करते.

आलं आणि पुदिना

पावसाळ्यात केसांची योग्य काळजी घेतल्यास केस गळत नाही. तुम्ही आलं आणि पुदिना रस वापरून केसांच्या मुळात लावू शकता. नंतर केस स्वच्छ पाण्याने धुवावे. यामुळे केसांचा वासही दूर होईल.

गुलाबपाणी

त्वचेसोबतच केसांसाठीही गुलाबजल खूप फायदेशीर आहे. यासाठी केस धुतल्यानंतर केसांवर गुलाबजलचा स्प्रे करावा. यामुळे केसांमधुन दुर्गंधी येणार नाही.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.