आजारी पडलात की डॉक्टारांनी लिहून दिलेला औषधांचा डोज तुम्हीही घेतच असाल. साधारण नाश्ता, सकाळचं आणि रात्रीचं जेवण झाल्यानंतर तीन किंवा दोन डोज घेण्याचा सल्ला डॉक्टर देतात. मात्र केवळ औषधे खायची म्हणून ती कशीही खाल्ली तर आरोग्याला त्याचा फायदा तर होणार नाही नुकसान मात्र होईल. जाणून घ्या औषधे घेण्याची योग्य पद्धत.

उभ्याने औषधे खाऊ नका

तुम्ही उभ्याने औषधं खात असाल तर ते तुमच्या आरोग्याच्या दृष्टीने घातक ठरू शकते. एका स्टडीमध्ये दावा करण्यात आलाय की बसून औषधे घेतल्याने त्याचा लगेच परिणाम होत नाही. त्यामुळे पुन्हा पुन्हा डॉक्टरांकडे जावे लागू शकते.

औषध झोपून घ्यावे, बसून घ्यावे की उभे असताना घ्यावे. फिजिक्स ऑफ फ्लुइड्सच्या अभ्यासात यावर सविस्तर माहिती देण्यात आली होती. अभ्यासानुसार, जे लोक झोपून औषध खातात. त्यांच्यावर औषधाचा परिणाम लवकर होतो. उजव्या बाजूला झोपण्याचा आणि नंतर औषध घेण्याचा सल्ला या अभ्यासात देण्यात आला आहे.

आम्लपित्तासारख्या समस्या असल्यास डाव्या बाजूला झोपण्याचा सल्ला दिला जातो. कारण अन्नाची नळी वरच्या बाजूला असते आणि पोट तळाशी असते. औषध घेत असताना, उजव्या हाताच्या बाजूला झोपण्याचा सल्ला दिला जातो.