Morning Health Care: आजकालच्या धावपळीच्या जीवनशैलीत कमी वेळेत नाश्ता करण्यासाठी अनेक लोक रेडी टू इट पदार्थ खातात. तसेच सकाळी नाश्त्यात टोस्ट किंवा ब्रेड सँडविच यासारख्या पदार्थांचा समावेश करतात. हे पदार्थ जेवढे खायला चवदार लागतात तेवढेच बनवायला सोपे आहेत. पण सकाळी रिकाम्या पोटी ब्रेड खाणे आरोग्यासाठी घातक ठरू शकते. लठ्ठपणा, मधुमेह यासारखे अनेक आजार उद्भवू शकतात. तुम्हीही या पदार्थांचे सेवन करत असाल तर वेळीच नियंत्रण ठेवणे गरजेचे आहे.

गॅसची समस्या

सकाळी रिकाम्या पोटी ब्रेड खाल्ल्यास तुम्हाला गॅस, अपचन किंवा पित्ताचा त्रास होऊ शकतो. आहारतज्ज्ञांच्या मते रिकाम्या पोटी ब्रेड खाल्याने अॅसिडिटीची समस्या अधिक वाढू शकते..

बद्धकोष्ठता

ब्रेड मैद्यापासून बनवली जाते. ज्यामुळे पोट कोरडे पडते. अशात तुम्ही सकाळी रिकाम्या पोटी या पदार्थाचे सेवन केल्यास पचनसंस्थेवर वाईट परिणाम होतो. त्यामुळे पोट स्वच्छ होत नाही आणि बद्धकोष्ठतेची समस्या निर्माण होते. ज्या लोकांना बद्धकोष्ठतेचा त्रास आहे त्यांनी रिकाम्या पोटी ब्रेड खाणे टाळावे.

लठ्ठपणा

जर तुम्हाला वजन कमी करायचे असेल तर रिकाम्या पोटी ब्रेड खाणे टाळावे. त्यात असलेल्या उच्च कॅलरीज आणि कार्बोहायड्रेट्स वजन वाढवू शकतात.

मधुमेह

अनेकांना सकाळी चहासोबत ब्रेड खायला आवडते. पण तुम्हाला माहिती आहे का रिकाम्या पोटी ब्रेड खाल्ल्यास मधुमेहाची समस्या निर्माण होऊ शकते. आरोग्य तज्ज्ञांच्या मते रिकाम्या पोटी ब्रेड खाल्ल्यास मधुमेह होऊ शकतो. त्यात असलेले कार्बोहायड्रेट्स आणि पांढरी ब्रेड लवकर पचते आणि ग्लुकोजमध्ये रुपांतरित होते आणि रक्तातील साखरेची पातळी वाढवते. यामुळे मधुमेहाचा धोका वाढतो. यामुळे मधुमेह असलेल्या लोकांना ब्रेड खाणे टाळावे.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.