हिवाळ्याच्या दिवसात सकाळी लवकर उठायचं म्हंटल की नको वाटतं. त्यामुळे अनेक वेळा काही कामात विलंब होतो. अनेकदा आपल्याला ऑफिस किंवा कॉलेजला जायलाही उशीर होतो. जर तुम्हीही हिवाळ्याच्या मोसमात अशाच आळसाचे बळी ठरलात तर आज आम्ही तुम्हाला अशा तीन व्यायामांबद्दल सांगत आहोत जे सकाळी केले तर तुम्ही दिवसभर अॅक्टिव्ह राहाल.
सर्वप्रथम शोल्डर स्ट्रेच करा. यामुळे शोल्डरची लवचिकता वाढते आणि रक्ताभिसरणही सुधारते, त्यामुळे तुमच्या हाताचे स्नायू सक्रिय होतात आणि तुम्ही काम करण्यास तयार होतात. तुम्ही बेडवर बसूनही हा व्यायाम करू शकता.
यासाठी तुम्हाला तुमचे खांदे एकदम सरळ ठेवावे लागतील, तुमचा उजवा हात वर उचलून सरळ करा. आता डाव्या हाताने उजवा हात धरून डावीकडे खेचा आणि छातीजवळ आणा. त्याचप्रमाणे, सुमारे 30 सेकंद धरून ठेवा आणि दुसऱ्या हाताने तेच करा.
आता लेग स्ट्रेच व्यायाम करा. यासाठी दोन्ही हात भिंतीवर छातीसमोर ठेवा. नंतर शरीराचे वजन उजव्या पायावर ठेवून डावा पाय उचला. गुडघ्याजवळ वाकून, टाच नितंबांच्या जवळ आणा, नंतर पाय खाली करा. दुसऱ्या पायानेही असेच करा.
सुखासन आरोग्यासाठी अत्यंत फायदेशीर ठरतं. सुखासन करण्यासाठी मांडी घालून बसा आणि पाठीचा कणा एकदम सरळ ठेवा. लक्षात ठेवा हे आसन करताना हातांच्या मुद्रेची विशेष काळजी घ्या.
काही काळ या आसनात बसल्यामुळे मनाची एकाग्रता वाढते. तर सुखासन केल्यामुळे शरीरातील रक्त-प्रवाह समांतर स्वरुपात चालू राहतो. ज्यामुळे शरीरात जास्त प्रमाणात उर्जा निर्माण होते. तसेच सुखासन केल्यामुळे लठ्ठपणा, पित्त, पोटांचे विकार यांपासून बचाव होतो.
स्ट्रेचिंग एक्सरसाइज म्हणून तुम्ही कोब्रा योगा पोझमध्ये बसण्याचाही प्रयत्न करू शकता. तुम्ही एक्सरसाइज बॉल वापरून तुमच्या शरीराच्या दोन्ही बाजूंना वाकून स्ट्रेचिंग देखील करू शकता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.