साखर खाण्याचे अनेक दुष्परीणाम लोकांच्या लक्षात येऊ लागले आहेच. साखरेने वजन वाढते, शुगरचा त्रास होतो. वजन वाढल्याने किंवा डॉक्टरांनी सांगितल्यामुळे आज अनेक लोक साखरेपासून ब्रेकअप  करत आहेत.

साखर खायची नाही हे जरी मनाला पटवून दिलं तरी काही लोकांना गोड काहीतरी खाण्याची इच्छा सतत होत असते. पण, साखरेत असलेल्या कॅलरीज आरोग्यासाठी धोकादायक ठरत आहेत. त्यामूळे साखर खाणे कितीही आवडत असेल तरी ती बाजूला ठेवणे कधीही चांगले.

साखर बंद केली म्हणजे आयुष्यातील गोडवा निघून गेला, असे वाटून नाराज होऊ नका. साखरेच्या ऐवजी अनेक अशा गोष्टी आहेत ज्या तूम्हाला गोड चव देऊ शकतात. त्या गोष्टी खाल्ल्याने कोणतेही साईड इफेक्ट्स होणार नाहीत. त्यामूळेच आरोग्याच्या बाबतीत साठी जागरूक असलेले लोक साखरे ऐवजी काही वेगळे पर्याय निवडतात. ते कोणते पाहुयात.

गूळ

साखर ज्या ऊसापासून बनवली जाते त्यापासूनच गूळही बनवला जातो. या दोन्ही गोष्टींची निर्मीती एकाच पदार्थापासून होत असली तरी त्यांचे गुणधर्म वेगवेगळे आहेत. कारण, साखरे असलेल्या कॅलरीज गूळामधून आपल्याला मिळत नाहीत त्यामूळे चहा, किंवा इतर कोणत्या पदार्थाला गोड बनवण्यासाठी गूळाचा पर्याय बेस्ट आहे.

खजूर

नैसर्गिक गोडवा असलेले फळ म्हणून खजूराकडे पाहिले जाते. साखरेऐवजी आपण खजुराचा वापर करू शकतो, कारण यात पोटॅशिअम, जीवनसत्त्व ब६ आणि कॅल्शियम असतं.  खजूर आपली साखरेची तल्लफ सहज कमी करू शकतो. तसंच यात लोहाचं प्रमाण अधिक असल्यानं, त्यापासून आपणास ताकदही मिळते. त्यामूळे साखरेऐवजी खजूराचा नक्की विचार करा.

मध

मधाचे आपल्या आरोग्याला अनेक फायदे आहेत. त्यामूळेच साखरेऐवजी मधाचा विचार करणे कधीही चांगले.  मधामध्ये जीवाणूनाशक, अँटी-ऑक्सिडंट आणि कवकरोधी असे गुण असतात.
चहा, दूध, लिंबाचं सरबत यामध्ये साखरेऐवजी मधाचा वापर करता येऊ शकतो.

ऊस

सरबत, ज्यूस यामध्ये हमखास साखर घातली जाते. त्यामूळे सरबत पिणे चांगले असले तरी साखरेमुळे शरीराला त्याचा फायदा होत नाही. तर, नुकसानच जास्त होते. त्यामूळे सरबताला लांब ठेऊन तूम्ही ऊसाच्या रसाचे सेवन करणे फायद्याचे ठरते.

कोकोनट साखर

नारळाच्या झाडाच्या कळ्यांतून निघणार्‍या रसापासून ही साखर बनवली जाते. तिला कोकोनट पाम शुगर असंही म्हटलं जाते. ही करड्या रंगाची असते आणि यात पोटॅशियम, जस्त, मॅग्नेशियम, लोह असतं. ही साखर बहुत करून केक, पुडिंग इत्यादी बेकरीचे पदार्थ बनवण्यासाठी वापरतात.