Green Tea Pinyache Fayde : धकाधकीच्या युगात हल्ली बहुतांश जण फिटनेसची पुरेपूर काळजी घेत आहेत. यासाठी ही मंडळी वेगवेगळ्या पद्धतीचे डाएटही फॉलो करताना दिसतात. ज्यामध्ये कीटो, लिक्विड, इंटरमिटेंट इत्यादी डाएट प्रकारांचा समावेश आहे. 

पण या सर्व डाएटमधील एक गोष्ट अगदी सामान्य असते ते म्हणजे ग्रीन टी. या चहाचा फिटनेसप्रेमी आपल्या डाएटमध्ये आवर्जून समावेश करतात. पण हा चहा कधी प्यावा, याची योग्य वेळ मात्र यांना माहिती नसते. या लेखाच्या माध्यमातून आपण ग्रीन टी कधी प्यावा व त्याचे फायदे याबाबतची माहिती जाणून घेणार आहोत.  

ग्रीन टी कधी प्यावा व त्याचे फायदे 

• ग्रीन टी सकाळी व दुपारच्या वेळेस पिणे आरोग्यासाठी लाभदायक ठरते. जेवण केल्यानंतर दोन तासांनंतर आपण ग्रीन टी पिऊ शकता.  
  

• हा चहा प्यायल्याने शरीराचे वजन कमी होण्यास मदत मिळते. यामुळे पोटावरील अतिरिक्त चरबी देखील घटते. सोबत शरीराची चयापचयाची क्षमता देखील मजबूत होते.  

• हा चहा यकृताच्या आरोग्यासाठी खूप लाभदायक आहे. यातील पोषणतत्त्वांमुळे शरीरातील खराब कोलेस्ट्रॉलची पातळी घटते. 

• ग्रीन टीमध्ये सोडियम, पोटॅशिअम, झिंक, कॉपर, प्रोटीन, लोह, थियामिन, रायबोफ्लेविन, नियासिन, व्हिटॅमिन बी - 6 यासारख्या पोषणतत्त्वांचा समावेश असतो. 

• हा चहा योग्य प्रमाणात प्यायल्यास मेंदूचे कार्य अधिक चांगल्या पद्धतीने सुरू राहते. यामुळे शरीरातील रक्तप्रवाह देखील सुरळीत होतो. तणाव व चिंता यासारख्या समस्येपासूनही मुक्तता मिळते. 

• ग्रीन टीमुळे त्वचेवर नॅचरल ग्लो येतो. यामुळे चेहऱ्याची त्वचा सैल पडत नाहीत. तसंच सूर्याच्या हानिकारक किरणांपासूनही त्वचेचं संरक्षण होते. 

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.