Home Remedies : उन्हाळ्यात उन्हाची तिव्रता इतकी असते की तासाभरापूर्वी घातलेल्या कपड्यांना घामाचा तिव्र वास यायला लागतो. त्यामुळे दिवसात दोन दोन कपडे बदलायला लागतता. पण कपडे धुतल्यानंतरही घामाचा वास जात नाही.

काही लोक तर घामाचा वास लपवण्यासाठी जास्त प्रमाणात परफ्युमचा वापर करतात. पण परफ्युम आणि घामाचा वास एकत्र झाल्याने अधिक घाणेरडा वास कपड्याला येऊ लागतो. केवळ एका धुण्यात हा वास जात नाही. त्यामुळे, घामाचा हा वास घालवण्याचे काही घरगुती उपाय आपण आज पाहणार आहोत.

लिंबूचा वापर करा

लिंबू कपड्यांमधून दुर्गंधी दूर करण्यात मदत करेल. त्यासाठी कपडे भिजवणार असलेल्या एका बादलीत पाणी घ्या आणि त्यामध्ये लिंबूचा रस टाका. या पाण्यात तुम्ही घामाचे किंवा कोणताही चिवट वास असलेले कपडे घाला. कपड्यांमधला दुर्गंधी दूर करण्यात यातील ॲसिड गुणधर्म तुम्हाला मदत करतील. तसेच, लिंबूमध्ये असलेले गुणधर्म कपड्यांतून किटाणूही मारतात.

बेकिंग सोडा वापरा

बेकिंग सोडा कपड्यांमधून येणारा दुर्गंधही दूर ठेवेल. कपडे धुताना तुम्हाला फक्त बेकिंग पावडर घालायची आहे. असे केल्याने कपडे स्वच्छ तर होतीलच शिवाय त्यांचा चिवट वासही निघून जाईल. तसेच, कपडे अधिक स्वच्छ आणि पहिल्यापेक्षा पांढरे दिसायला लागतील. (Clothes)

कपडे उन्हात वाळवा

कपड्यांमधून घामाचा वास येतो तेव्हा आपण सगळेच कपडे धुतो. कपडे वारंवार धुतल्यामुळे ते लवकर खराब होतात. अशा वेळी घामाचा वास दूर करण्यासाठी कपडे उलटे करून उन्हात वाळवावेत. असे केल्याने कपड्यांमधून येणारा वास सहज निघून जाईल. (Home Remedies )

कपडे जास्त वेळ भिजवू नका

घाणेरडे कपडे जास्त वेळ साठवून ठेवू नका, फक्त चांगली डिटर्जंट पावडर वापरा. या सर्व गोष्टींकडे लक्ष देऊन उपाययोजना केल्यास ही समस्या टाळता येऊ शकते.