सध्याच्या घडीला मोबाईल हा सर्वांच्या जीवनाचा अविभाज्य घटक बनला आहे. मोबाईल नाही तर जीव नाही अशी परिस्थिती सध्या निर्माण झाली आहे. पण पावसाळ्यात या जीवाची म्हणजे मोबाईलची अधिक काळजी घेणं गरजेचं असतं.

पावसाळ्यात अनेकदा आपण कुठे फिरायला किंवा ट्रेकींगला जाताना मोबाईलची विशेष काळजी घ्यावी लागते. यावेळी कितीही काळजी घेतली तरी आपला मोबाइल पाण्यात भिजतोच. बरेचदा जोरदार पाऊस असेल तर सगळी काळजी घेऊनही गाडीवरुन ऑफीसमधून घरी-येताना किंवा चालत असू तरीही फोन पावसाच्या पाण्यात पूर्ण भिजतो. पण टेन्शन घेण्याची गरज नाही. आम्ही काही टीप्स देत आहोत.(How To Take Care your mobile in Rainy Season )

मोबाईल स्विच ऑफ करा

तुमचा मोबाईल पावसाचा भिजला तर तुम्ही सर्वात प्रथम तो स्विच ऑफ करा. त्यानंतर एखादे सुती कापड किंवा टॉवेल, नॅपकीन घेऊन हा मोबाईल बाहेरच्या बाजूने चांगला कोरडा करुन घ्या.

तांदळामध्ये ठेवा मोबाईल

एका हवाबंद पिशवीत तांदूळ भरा आणि त्यात तुमचा मोबाईल ठेवा. तांदूळ ओलावा शोषून घेतो आणि तुमचा मोबाईल कोरडा होण्यास मदत करतो. कमीतकमी 24-48 तास तुमचा मोबाईल तांदळामध्ये ठेवा.

सिलिका जेल पॅकचा वापर

सिलिका जेल पॅक ओलावा शोषून घेण्यासाठी तांदळापेक्षा अधिक प्रभावी आहेत. तुमच्याकडे सिलिका जेल पॅक असल्यास, ते मोबाईलसह कंटेनरमध्ये ठेवा.

व्हॅक्यूम क्लिनर वापरा पण काळजी घ्या

तुमच्याकडे व्हॅक्यूम क्लिनर असल्यास, ते मोबाईल जवळ ठेवा जेणेकरून ते ओलावा बाहेर काढू शकेल. परंतु लक्षात ठेवा की, व्हॅक्यूम क्लिनरचे नोजल थेट मोबाईलच्या जवळ नसावे, यामुळे अंतर्गत सर्किट खराब होऊ शकतात.