अनेकदा महिला स्वयंपाक घरात दूध गॅस वर ठेवलं की गॅस बंद करायला विसरतात. दूध जास्त वेळ उकळलं की ते भांड्यातून खाली पडू लागतं, अशा स्थितीत दुध वाया जातंचं पण ओटा, गॅस खराब होतं ते वेगळंच.

दूध गरम करणे ही प्रत्येकाची सर्वात मोठी समस्या आहे. प्रत्येकजण या समस्येने त्रस्त आहे. तुमच्या बाबतीतही असे घडतेय का, जोपर्यंत तुम्ही दुधाकडे पाहात आहात तोपर्यंत ते बाहेर पडणार नाही, पण तुम्ही काही कामात बिझी होताच दूध बाहेर सांडू लागते.

दुध खाली पडताना यापेक्षा गॅस साफ करण्यात जास्त त्रास होतो. महिला अनेकदा दूध उकळण्याच्या हॅक्सविषयी माहिती शोधत असतात. जर तुम्हालाही बऱ्याचदा या समस्येचा सामना करावा लागत असेल तर या हॅक्सबद्दल जाणून घ्या.

दूध उकळत असताना त्यात एक चमचा ठेवा. असे केल्याने दूध भांड्यातून बाहेर पडण्यापासून रोखता येते. याचे कारण असे की दुध उकळताना खूप दाब येतो आणि जेव्हा त्यात चमचा टाकला जातो तेव्हा दुधाला जास्त दाब येण्यापूर्वी वाफेला बाहेर पडण्याची जागा मिळते.

दूध उकळत असताना पातेल्यास तूप किंवा लोणी लावा. तुप लावल्याने भांड्यातून दूध बाहेर येत नाही. अशा स्थितीत तुमचे लक्ष दुधाकडे नसले तरी ते पडत नाही.

दुध उकळत असताना, भांड्यावर एक लाकडी स्पॅटुला ठेवा किंवा बेलन देखील ठेवू शकता. असे केल्याने पातेल्यातून दूध बाहेर येणार नाही.

दुधात पाणी शिंपडल्याने दुधाचे उकळणेही कमी होते आणि दूध उकळल्यानंतर भांड्यातून बाहेर पडत नाही.

याशिवाय, ज्या भांड्यात दूध उकळले जात आहे त्यात थोडे पाणी घाला आणि वरून दूध टाका आणि ते उकळण्यासाठी ठेवा.

दुधाला मध्यम ते मंद आचेवर उकळवा आणि दुधाच्या भांड्याचा आकार त्याच्या प्रमाणापेक्षा थोडा मोठा ठेवा.