भारतीय स्वयंपाक घरातील महत्त्वाचा घटक म्हणजे कोथिंबीर (coriander). कोणतीही भाजी, आमटी किंवा रस्साभाजी केली की त्यावर कोथिंबीर ही हवीच. कोथिंबीरमुळे त्या पदार्थाची चव तर बदलतेच पण त्यासोबत तो पदार्थदेखील आकर्षक दिसून लागतो. विशेष म्हणजे अनेक गृहिणी फ्रीजमध्ये मोठ्या प्रमाणावर कोथिंबीर साठवून ठेवतात. परंतु, ठराविक दिवसांनंतर ही कोथिंबीर (coriander) पिवळी पडते किंवा वाळू लागते. अनेकदा कोथिंबीर ओलीच ठेवल्यामुळे ती सडूनही जाते. म्हणूनच कोथिंबीर स्टॉक करुन ठेवायची असेल तर तिची साठवणूक कशी करावी याच्या काही टीप्स जाणून घेऊयात.(kitchen-tips-use-these-special-tips-to-keep-coriander-fresh)

१. कोथिंबीर बराच काळ ताजी रहावी यासाठी ती कायम टिश्यू पेपरमध्ये ठेवावी.

२. टिश्यू पेपर नसेल तर कोथिंबीर पेपरमध्ये गुंडाळून ठेवली तरी चालते.

३.कोथिंबीर शक्यतो एअर टाईट किंवा हवाबंद डव्यात ठेवावी.

४. प्लास्टिक पिशवीतही कोथिंबीर चांगली राहते.

५. कोथिंबीर दिर्घकाळापर्यंत टिकवून ठेवायची असेल तर प्रथम ती स्वच्छ धुवून घ्या. त्यानंतर सुती कापडाने पुसून तिला पेपरवर पसरवा आणि त्यानंतर एका डब्ब्यात भरून ती फ्रिजमध्ये ठेवा.

६. कोथिंबीर धुतल्यानंतर त्यातलं पूर्ण पाणी निथळल्याशिवाय कधीच फ्रिजमध्ये ठेऊ नका. त्यामुळे ती लवकर सडू शकते.

७.कोथिंबीर कधीही अडचणीत ठेऊ नका. तिला स्वतंत्र ठेवा.