Trendy Raincoat Options : देशातील अनेक भागांमध्ये सध्या मुसळधार पावसाने हजेरी लावली आहे. काही राज्यांना पुराचा धोका बसला असून, काही ठिकाणी हवामान खात्याने हाय अलर्ट जारी केला आहे. पावसाळ्यात पावसाच्या पाण्यापासून संरक्षण करण्यासाठी अनेकदा आपण रेनकोट आणि छत्रीचा आधार घेतो.

रेनकोटमध्ये जर तुम्हाला स्टायलिश लूक हवा असेल तर आजकाल मार्केटमध्ये अनेक पर्याय उपलब्ध झाले आहेत. यापैकी तुम्हाला हवा तो रेनकोट तुम्ही निवडू शकता आणि छान स्टायलिश लूक मिळवू शकता.

मार्केटमध्ये आजकाल फ्लोरल, लेदर, हुडी आणि ट्रेंच कोट सारखे रेनकोटचे विविध पर्याय उपलब्ध आहेत. यामध्ये तुम्हाला आरामदायक ही वाटेल आणि मस्त ट्रेंडी लूक ही मिळू शकेल. चला तर मग जाणून घेऊयात रेनकोटच्या या आकर्षक आणि हटके पर्यायांबदद्ल.

जॅकेट स्टाईल रेनकोट

नेहमीच्या रेनकोटपेक्षा जरा वेगळा रेनकोट तुम्हाला हवा असेल तर तुम्ही या जॅकेट स्टाईल रेनकोटची नक्कीच निवड करू शकता. विशेष म्हणजे हा रेनकोट कॅरी करायला अतिशय सोपा आहे.

यामध्ये तुमचा लूक एकदम स्टायलिश आणि कूल दिसतो. या रेनकोटमुळे तुमचे पावसाच्या पाण्यापासून संरक्षण होते आणि कपडे देखील ओले होत नाहीत. मार्केटमध्ये या प्रकारचे रेनकोट तुम्हाला सहज मिळतील.

फ्लोरल प्रिंट रेनकोट

अनेक महिलांना रेनकोटमधील तेच तेच प्लेन रंग कंटाळवाणे वाटतात. जर तुम्हाला रेनकोटमध्ये फ्लोरल प्रिंट मिळाली तर तुम्हाला नक्कीच ते आवडेल. यंदाच्या पावसाळ्यात तुम्ही या प्रकारच्या फ्लोरल प्रिंटच्या रेनकोटची नक्कीच निवड करू शकता.

शिवाय, यामध्ये तुम्हाला अनेक भन्नाट प्रकार आणि पर्याय पहायला मिळतील. या रेनकोटमुळे तुम्हाला मस्त आणि ट्रेंडी लूक मिळतो. शिवाय, पावसापासून तुमचे संरक्षण होते.

हुडी रेनकोट

काही महिलांना हुडी जॅकेट्स किंवा हुडी टीशर्ट प्रचंड आवडतात. जर तुम्हाला रेनकोटमध्ये देखील असा पर्याय हवा असेल तर, तुम्ही या प्रकारच्या हुडी रेनकोटची नक्कीच निवड करू शकता.

या हुडी रेनकोटमध्ये तुमचा लूक ट्रेंडी आणि स्टायलिश तर दिसेलच, शिवाय, पावसाच्या पाण्यापासून डोके आणि केसांचा भिजण्यापासून बचाव ही करता येईल. हे हुडी रेनकोट केवळ स्टायलिशच नाही तर पावसापासून संरक्षण करण्यासाठी एकदम बेस्ट आहेत.

ट्रेंच कोट रेनकोट

ट्रेंच कोट या प्रकारचे रेनकोट तुम्ही परिधान केल्यास यात तुम्हाला स्टायलिश आणि ट्रेंडी लूक मिळतो. पावसाच्या पाण्यापासून संरक्षण करण्यासाठी हा एक उत्तम आणि क्लासी पर्याय आहे. या रेनकोटमध्ये तुम्हाला प्रोफेशनल आणि स्मार्ट लूक मिळतो. खास करून ऑफिसला जाणाऱ्या महिलांसाठी हा एक उत्तम पर्याय आहे.