Navratri 8th Colour: शारदीय नवरात्रीचा उत्साह देशभरात आनंदात साजरा केला जात आहे. सर्वत्र भक्तीमय आणि मंगलमय वातावरण आहे. नवरात्रीत नऊ दिवस माता दुर्गेच्या नऊ रूपांची पूजा केली जाते. धार्मिक मान्यतेनुसार नऊ दिवस माता दुर्गेच्या नऊ रूपांची मनोभावे पूजा केल्यास सर्व मनोकामना पूर्ण होतात.

नवरात्रीच्या प्रत्येक दिवसासाठी खास रंग निवडण्यात आला आहे. नवरात्रीच्या आठव्या दिवशी गुलाबी रंगाचे कपडे परिधान करणे शुभ मानले जाते. गुलाबी रंग हा शांतात, आत्मविश्वास, जबाबदारीचे प्रतिक आहे.

तुम्हाला आज गुलाबी साडीत क्लासी, सुंदर आणि मराठमोळा लूक हवा असेल तर मराठी अभिनेत्रींच्या लूकवरून कल्पना घेऊ शकता. तुम्हा हा लूक कॅरी करून ऑफिस किंवा कोणत्याही कार्यक्रमांमध्ये जाऊ शकता. तुमचा लूक पाहून सर्वजण तुमचे खुप कौतुक करतील.

नवरात्रीच्या आठव्या दिवशी शुभ रंग गुलाबी आहे. तुम्हाला देवीच्या दर्शनासाठी खास लूक करायचा असेल तर पूजा सांवतसारखा लूक कॅरी करू शकता. गळ्यात आणि हातात गोल्डन गादिने घालू शकता. कानात झुमके घातल्यास सौंदर्य अधिक वाढेल. तुम्ही हेअरस्टाइल करू शकता किंवा केस मोकळे ठेऊ शकता.

तेजस्वीनी पंडितसारखा लूक कॅऱी करून ऑफिस किंवा कोणत्याही कार्यक्रमाला जाऊ शकता या लूकमध्ये तुम्ही सुंदर दिसाल. गुलाबी साडीसोबत पांढरे ब्लाऊज घालू शकता. तसेच गळ्यात चोकर घालू शकता. यामुळे तुमचा लूक अधिक स्टायलिश दिसेल.

मराठी अभिनेत्री प्रार्थना बेहेरेकडून आउटफिटची आयडिया घेऊ शकता. गुलाबी साडीत ती खुप सुंदर दिसत आहे. यंदा नवरात्रीत गुलाबी साडी नेसायची असेल तर या पद्धतीने तयारी करू शकता.

अंकिता लोखंडे गुलाबी साडीत खुप सुंदर दिसत आहे. तुम्ही गुलाबी साढीवर गुलाबी मेकअप करू शकता. तसेच हातात हिरव्या बांगड्या घालू शकता. यामुळे तुमचा लूक अधिक चांगला दिसेल.

मानसि नाइकप्रमाणे गुलाबी साडीत लूक कॅरी करू शकता. कानात लांब झुमके आणि हातात गुलाबी बांगड्या परिधान करू शकता. या साडीसोबत गोल गळ्याचे ब्लाऊज घालू शकता. नाकात नथ घातल्यास अधिक सुंदर दिसाल.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.