Nita Ambani: अंबानी कुटुंबात धाकटा मुलगा अनंत अंबानीच्या लग्नाची तयारी जोरात सुरू आहे. दूसऱ्या प्री-वेडिंग पार्टीचे शानदार आयोजन केल्यानंतर आता हे कुटुंब लग्नपत्रिका वाटण्यात व्यस्त आहे. यासाठी एकीकडे अनंत अंबानी स्वतः अजय देवगणच्या घरी जाऊन निमंत्रण देताना दिसले, तर दुसरीकडे नीता अंबानींनी वाराणसीतील प्रसिद्ध काशी विश्वनाथ मंदिराचे दर्शन घेतले आणि अनंत-राधिकाच्या लग्नाचे आमंत्रण दिले.

येथे नीता अंबानींचे साधे आणि सुंदर लूक पाहायला मिळाले. त्यांनी गुलाबी रंगाची साडी नेसली होती. या चमकदार गुलाबी रंगाच्या साडीवर सोन्याच्या तारांनी बुट्टे बनवलेले होते.साडीचे सौदर्य वाढवण्यासाठी फुले आणि पान बनवले होते.

साडीच्या पदरावर देखील सुंदर सजावट केलेली होती. यावेळीही नीता यांनी गोल नेकलाइन आणि हाफ स्लीव्हज असलेला त्यांचा डिसेंट कट केलेला ब्लाउज ठेवला होता.

निता अंबानींकडे दागिन्यांचे विलक्षण संग्रह आहे. त्यांच्या कडे प्रत्येक साडीसाठी सुंदर दागिने आहेत. या गुलाबी साडीवर मोत्यांचा सुंदर हार घातला होता. यामध्ये त्या अधिक सुंदर दिसत होत्या. तसेच हारसोबत मॅचिंग कानातले घातले होते.

फॅन्सी ब्रेसलेट घालण्याऐवजी, नीता अंबानीने बांगड्या घातल्या ज्यावर त्याच्या नेकलेसशी जुळेल अशी डिझाइन होती.निता यांनी नॅचरल टोन मेकअप आणि केसांचा क्लासिक मिडिल पार्ट लो बन स्टाइल केला होता. त्यावर त्यांनी गजरा लावला होता. यामुळे त्यांच्या चेहऱ्याचे सौंदर्य द्विगुणित झाले होते. निता अंबानींचे गुलाबी रंग आवडीचा आहे. कारण अनेक कार्यक्रमांमध्ये त्यांनी गुलाबी रंगाचे कपडे परिधान केले आहेत.