Old Clothes :  आजच्या बदलत्या ट्रेंडमध्ये कपडे आणि त्यांची फॅशनही रातोरात बदलते. काल चांगलं दिसणारं कापड आज डोळ्यांना शोभत नाही. त्यामुळे अनेकदा लोक ४ ते ५ वेळा कापड घालतात आणि फेकून देतात.

अनेकजण जुने कपडे कचऱ्यात टाकून देतात. पण, जुने कपडे अनेक प्रकारे वापरले जाऊ शकतात हे तुम्हाला माहित आहे का? तुमची Creativity पाहून पाहुणे मंडळीही आश्चर्यचकित होतील. तुमच्या आयडियाचे नक्कीच कौतुक करतील. जुने कपडे अनोख्या पद्धतीने कसे वापरावेत. त्यापासून तुम्ही काय काय बनवू शकता हे पाहुयात. 

जुने कपडे पुन्हा कसे वापरावेत?

फ्रेम तयार करा

जर तुम्हाला तुमचं घर सजवायचं असेल तर जुने कपडे ही तुमची मोठी गोष्ट आहे. एखाद्या कापडावर काही चांगले कोट लिहिलेले असतील किंवा डिझाईन असेल तर तो फोटो फ्रेमच्या आकारात कापून फ्रेममध्ये टाकून भिंतीवर चिकटवावा. ही फ्रेम तुम्ही एखाद्या आर्ट गॅलरीतून विकत घेतल्यासारखी दिसेल.

पॅचवर्क

पॅचवर्कसाठी जुने कपडे वापरू शकता. तुम्ही कपडे कापून एकत्र शिवून पिशव्या, जॅकेट किंवा चादर वगैरे बनवू शकता. तसेच एखाद्या उसवलेल्या कपड्याला पॅचही लावू शकता. (Kitchen Hacks)

नवे कपडे बनवा

जुने कपडे कापून नव्या लूकमध्ये मोल्ड करू शकता. मग ते मोठ्या टी-शर्टपासून मुलांचे कपडे बनवणे असो किंवा ट्रेंडी ड्रेस. जुन्या कपड्यांवर थोडीशी शिवणकाम अप्रतिम दिसते. जुन्या कपड्यांपासून तुम्ही पेट्ससाठी ड्रेसही बनवू शकता.

आपण स्क्रॅच बनवू शकता?

आजकाल मुलींना केसांमध्ये रबर बँडऐवजी स्क्रॅच लावायला आवडतात. हे स्क्रॅचेस तुम्ही फॅन्सी प्रिंटेड कापड कापून तुम्ही २ मिनिटात तयार करू शकता. यासाठी फक्त तुम्हाला काही Elastic दोऱ्यांची आवश्यकता आहे.

उशी बनवा

उशा वापरून वापरून त्यांच्यातील मऊपणा जातो. त्यात असलेला कापूस जड होतो. अशा उशा फेकून द्याव्या लागतात. त्यामुळे उशाही फेकून देण्याऐवजी आपले जुने कपडे भरून उशी बनवा. उशी अधिक फुलवण्यासाठी, आपण कपड्यांचे लहान तुकडे करू शकता. तुम्ही यासाठी जूने ब्लँकेट, स्वेटरही वापरू शकता.

तुम्ही गिफ्ट रॅप बनवू शकता

अनेक जुने कपडे दिसायला खूप सुंदर असतात, एकच प्रॉब्लेम आहे की हे कपडे आउट ऑफ ट्रेंड झाले आहेत किंवा आता फिट होत नाहीत. अशावेळी हे कपडे गिफ्ट रॅप म्हणून वापरता येतात. हव्या त्या गिफ्टला बॉक्समध्ये ठेऊन त्यावर चौकोन आकारात कापलेल्या कापडाने गिफ्ट रॅपिंग होऊ शकते.

जून्या साड्या

भारतीय महिलांकडे कपाटे भरून साड्या असतात. ज्या हेवी असतात आणि फार नेसलेल्याही नसतात. अशा साड्या कोणालातरी देऊन टाकणं जीवावर येतं. या साड्यांपासून तुम्ही स्वत: डिझाईन केलेले ड्रेस बनवू शकता. पैठणी ड्रेस हे यामुळेच ट्रेंडमध्ये आले आहेत.