मुंबई : लैंगिक जीवनाबाबत अनेकांच्या मनात अनेक प्रकारचे प्रश्न असतात. लग्न झाल्यावर सतत त्याबाबात आपल्याला प्रश्न पडत असतात. मूल असताना असे प्रश्न अनेकवेळा समोर येतात. मूल झाल्यानंतर, प्रसूतीनंतर लैंगिक संबंध ठेवणे योग्य आहे की नाही या संभ्रमात लोक सहसा आहेत.
गरोदरपणाच्या काळात बरेच वेळा आपल्याला प्रश्न पडतो की, लैंगिक संबंध ठेवणे योग्य आहे की, नाही. मूल झाल्यावर, असे प्रश्न मनात निर्माण होतात, तेव्हा कोणाशी बोलावे तेच समजत नाही.
अनेक जोडीदारांना प्रश्न पडतो प्रसुतीनंतर किती काळाने लैंगिक संबंध ठेवायला हवेत ? त्याची योग्य वेळ कोणती ? स्त्रियांच्या शरीराची स्थिती त्यावेळी कशी असते. चला तर मग जाणून घेऊया याबद्दल...
गर्भधारणेदरम्यान आणि प्रसूतीनंतर शरीराची स्थिती समजून घ्या
गर्भधारणा आणि प्रसूतीनंतर काही वेळा लैंगिक जीवन कठीण होते. काहीवेळा गर्भधारणेमध्ये गुंतागुंत असेल तेव्हा लैंगिक संबंध न ठेवण्याचा सल्ला दिला जातो. अनेक वेळा स्त्रिया कोणतीही गुंतागुंत नसतानाही लैंगिक संबंधांबाबत तितक्या आरामदायक होऊ शकत नाहीत.
त्याच वेळी, प्रसूतीनंतरही, कधीकधी काही महिने लैंगिक संबंध न ठेवण्याचा सल्ला दिला जातो, नंतर अनेक प्रकरणांमध्ये काही दिवसांनी जोडपे सामान्य लैंगिक जीवन सुरू करतात. अशा परिस्थितीत, दोन्ही परिस्थितींमध्ये शरीराची स्थिती समजून घेणे आवश्यक आहे.
गर्भधारणेदरम्यान, महिलांच्या पुनरुत्पादक अवयवांचा आकार वाढतो. या अवयवांना त्यांच्या पूर्व-गर्भधारणेच्या आकारात परत येण्यासाठी किमान 6 आठवडे लागतात. त्यामुळे काही वेळा प्रसूतीनंतर दोन महिने सेक्स न करण्याचा सल्ला दिला जातो.
प्रख्यात स्त्रीरोग तज्ज्ञ डॉ. अर्चना झा सांगतात की, नॉर्मल डिलिव्हरीनंतर जेव्हा स्त्रीला आराम वाटेल तेव्हा सेक्स करता येतो. अनेक प्रकरणांमध्ये, टाके पडलेले असतील तर वेदना आणि रक्तस्त्राव होऊ शकतो. अशा परिस्थितीत, 4-6 आठवडे प्रतीक्षा करणे चांगले.
या गोष्टी लक्षात ठेवा
डॉ अर्चना झा म्हणतात, गर्भधारणेदरम्यान आणि प्रसूतीनंतरच्या सेक्स दरम्यान कंडोम वापरणे महत्त्वाचे आहे. याव्यतिरिक्त, महिला गर्भनिरोधक वापरू शकतात. दोन मुलांमधील 3-5 वर्षांचे अंतर खूप महत्वाचे आहे.
अशा परिस्थितीत संरक्षणाशिवाय सेक्स करू नका. प्रसूतीनंतर संभोग करताना कोणत्याही प्रकारचा त्रास किंवा काही असामान्य असा त्रास होत असेल, तर डॉक्टरांशी संपर्क साधणेही आवश्यक आहे.
डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या तज्ज्ञांशी संपर्क साधा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.