Trendy Saree Design For Sister: यंदा रक्षाबंधन १९ ऑगस्टला साजरा केला जाणार आहे. हा दिवस बहिण-भावासाठी खुप खास असतो. तसेच बहिण भावाच्या नात्यातील प्रेम वाढवणारा हा सण आहे.  यादिवशी बहिण भावाच्या मनगटावर राखी बांधते आणि भाऊ बहिणीला सुंदर भेटवस्तू देतो. तुमच्या बहिणीला साडी नेसायला आवडत असेल तर सुंदर आणि ट्रेंडी साडी भेट देऊ शकता. आम्ही आज पाच प्रकारच्या ट्रेंडी साड्या सांगणार आहोत ज्या तुमच्या बहिणीला देखील आवडेल.

शिफॉन साडी

रक्षाबंधनला बहिणीला शिफॉनची साडी भेट देऊ शकता. शिफॉनची साडीही खूप सुंदर दिसते. साडीचा कपडा हलका असल्याने परिधान करणे सोपे आहे.

बांधणी प्रिंट

जर तुमच्या बहिणीचे नुकतेच लग्न झाले असेल आणि तिला बांधणी प्रिंट साडी आवडत असेल तर ही साडी नक्की भेट देऊ शकता. ही साडी नववधुवर खुप सुंदर दिसते. तुम्ही दुकानात जाऊन किंवा ऑनलाइल साडी खरेदी करू शकता

सिल्क साडी

सिल्कची साडी कोणत्याही कार्यक्रमासाठी उत्तम पर्याय आहे. तुमची बहिण प्रत्येक कार्यक्रमात ही साडी सहजपणे नेसू शकते. यामुळे तुम्ही तिला सिल्कची साडी भेट देऊ शकता. सिल्कमध्ये तुम्हाला अनेक प्रकार आढळतात. यामध्ये बनारसी, कांजीवरम यासारखे प्रकार आहेत.

ऑर्गन्झा साडी

सध्या ऑर्गन्झा साडीचा खूप ट्रेंड आहे. यंदा रक्षाबंधनला तुम्ही तुमच्या बहिणीला ऑर्गेन्झा फॅब्रिकची साडीही भेट देऊ शकता. ही साडी खरेदी करताना तुमच्या बहिणीचा आवडता रंग लक्षात ठेवा. यावर मिळतेजुळते दागिने घातल्यास लूक अधिक सुंदर दिसेल.

सिक्विन वर्कची साडी

जर तुमच्या बहिणीला वेस्टर्न लूक कॅरी करायला आवडत असेल तर तिच्यासाठी सिक्विन वर्कची साडी खरेदी करू शकता . अशा प्रकारच्या साड्याही सध्या ट्रेंडमध्ये आहेत.