Navratri 2024: हिंदू धर्मात शारदीय नवरात्रीला खुप महत्व आहे. शारदीय नवरात्री फक्त एका दिवसावर येऊन ठेपली आहे. यंदा शारदीय नवरात्री ३ ऑक्टोबरपासून सुरू होत असून 12 ऑक्टोबर रोजी संपणार आहे. देशभरात नवरात्रीचा सण मोठ्या उत्साहात साजरा केला जातो.नवरात्रीत नऊ दिवस माता दुर्गेच्या नऊ रूपांची पूजा केली जाते. तसेच या दिवसांमध्ये विड्याच्या पानांशी संबंधित उपाय केल्यास अनेक संकटे दूर होतात.

हिंदू धर्मात विड्याच्या पानांना खास महत्व आहे. तसेच हे पानं शुभ मानले जातात. सर्व शुभ कार्यात या पानांचा वापर केला जातो. या विड्याच्या पानांचा उल्लेख पौराणिक कथा आणि धर्मग्रंथातही आला आहे. नवरात्रीमध्ये पानांशी संबंधित काही उपाय करणे खूप शुभ मानले जाते. असे केल्याने माता दुर्गा प्रसन्न होते. तसेच अनेक समस्या दूर होतात.

वाईट नजर टाळण्यासाठी

नवरात्रीत विड्याच्या पानांवर केशर ठेवा आणि माता दुर्गा स्तोत्र तसेच नावाचे पठण करावे. असे केल्याने घरात सुख - शांतीचे वातावरण निर्माण होते. नकारात्मक ऊर्जेपासून बचाव होतो.

आर्थिक संकटावर दूर करण्यासाठी

नवरात्रीच्या नवव्या दिवशी विड्याच्या पानांवर गुलाबाचे फूल ठेऊन ते माता दुर्गाला अरप्ण करावे. नवमी पूजेनंतर ही पाने मदीत विसर्जित करावी. असे केल्याने सुख- समृद्धी प्राप्त होते आणि धनाशी संबंधित समस्यांपासून मुक्ती मिळते. तसेच आयुष्यात संकटे दूर होतात. माता दुर्गेची कृपादृष्टी कायम राहते.

संतती सुखासाठी

नवरात्रीच्या पाचव्या दिवशी माता स्कंदमातेला विड्याचे पान अर्पण करावे. नऊ लहान मुलींना जेवण देऊन भेटवस्तू द्यावी. असे केल्याने संततीचे सुख प्राप्त होते. वैवाहिक जीवन देखील आनंदी राहते.

यश आणि धनप्राप्तीसाठी

नवरात्री दरम्यान संध्याकाळी विड्याच्या पानांना दोन्ही बाजूंना मोहरीचे तेल लावावे. आता ते माता दुर्गाला अर्पण करावे. झोपताना हे पान सोबत ठेवा आणि सकाळी उठल्यावर माँ दुर्गा मंदिराच्या मागे ठेवा. असे केल्याने यश मिळेल. संपत्ती आणि समृद्धी वाढते.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.