शिल्पा शेट्टी तिच्या हटके स्टाईलसाठी ओळखली जाते. मग ते तिचे कपडे असो, तिचे शोज असो किंवा संडे बींजसारखा प्रकार असो. तिच्याकडे फॅन्सचे कायम लक्ष असते. मात्र तिने केलेल्या हेअरस्टाईलने सगळ्यांचे लक्ष वेधले आहे. ही हेअरस्टाईल प्रामुख्याने पुरूष करतात. पण इथे तर शिल्पाने अशी हेअरस्टाईल करत असल्याचा व्हिडिओ इंस्टाग्रामवर टाकला आहे. तिने जो कट केला आहे त्याला बझ कट म्हणतात.

काय आहे व्हिडिओत- व्हिडिओमध्ये शिल्पा पाठमोरी बसली असून तिचा हेअरकट सुरू असल्याचे दिसते आहे. त्या एक व्यक्ती हातात वस्तारा घेऊन शिल्पाचे मागच्या बाजूने पुर्ण टक्कल करत आहे. हे बघून आपला आ वासतो.

असे कापतात केस- वरचे केस जसेच्या तसे ठेवायचे. मानेच्या वरच्या भागापासून ते चार ते पाच बोटे एवढ्या अंतरावरचे सगळेच केस कापायचे. किंवा मधले केस तसेच ठेवून दोन्ही बाजूंना असा कट द्यायचा. यातही वेगवेगळे प्रकार करता येऊ शकतात. शिल्पाने शेअर केलेल्या व्हिडिओत तिने खालचे केस असे कापल्याचे दिसते

तरुणांमध्ये क्रेझ- शिल्पाचा हा बझ कट तरूणांमध्ये मात्र लोकप्रिय आहे. अनेक कॉलेज गॉईंग मुल हा कट करतात. यात सेलिब्रिटीही मागे नाहीत.