जुलै महिना संपताच सणवाराला सुरुवात होते. विशेष म्हणजे श्रावण महिना महत्त्वाचा मानला जातो. सगळेचजण श्रावणाची अगदी आतुरतेने वाट पाहतात.

उत्तर भारतीयांच्या श्रावण महिन्याला सुरुवात झाली आहे. तर, महाराष्ट्रात दक्षिण भारतीय पंचांगानुसार 05 ऑगस्ट 2024 पासून श्रावण महिन्याला सुरुवात होणार आहे. श्रावण महिन्यातील शुक्ल पक्षातील प्रतिपदा तिथीपासून श्रावण महिना सुरु होणार आहे. यावेळी 5 श्रावणी सोमवार येणार आहेत.

श्रावणात अनेक देवी-दैवतांची पूजा केली जाते. अनेक व्रत-वैकल्ये, उपवास केले जातात. यामध्ये श्रावणी सोमवार बहुसंख्य महिला आणि तरूणी करत असतात. पण हा उपवास करताना आरोग्याची काळजी घेणं तितकचं महत्त्वाचं असतं.

अनेकदा उपवास करताना आचरट पदार्थाचे सेवन केलं जात अन् थकवा येण यांसारख्या समस्या उद्भवायला सुरुवात होते. त्यामुळे आज आम्ही उपवासादरम्यान अशा पदार्थांचं सेवन करण्यास सांगत आहोत ज्यामुळं तुम्हाला थकवा जाणवणार नाही.

उपवासाच्या दिवशी भगर, राजगिरा, लाडू, शिंगाड्याचे पदार्थ, मोसंबी, संत्री, पेरू, अननस, अक्रोड, काजू, बदाम, खारीक अशी टणक कवच असलेली फळे सेवन करावीत. हे पदार्थ शरीराला भरपूर जीवनसत्वे देतात. त्यामुळे उर्जा मिळते आणि थकवा जाणवत नाही.

उकडलेले बटाटे

तळलेले बटाटे खाल्ल्याने चव चांगली लागते पण त्यात भरपूर कॅलरीज असतात ज्यामुळे तुम्ही अस्वस्थ आणि सुस्त होऊ शकता. म्हणून, बटाटे तळण्याऐवजी, उकडून खाल्ले तर अनेक फायदे होतात.

फळ

भरपूर फळे खा कारण ते केवळ तुम्हाला भरपूर जीवनसत्त्वे, खनिजे आणि फायबरच देत नाहीत तर तुम्हाला दिवसभर उत्साही ठेवतात.

रूट भाज्या खा

बटाटा, जिमीकंद, रताळे, भोपळा, तारो या मूळ भाज्यांचा आहारात समावेश करा. त्यामध्ये व्हिटॅमिन बी, मिनरल्स आणि फायबर भरपूर प्रमाणात असतात.

दूध आणि दुग्धजन्य पदार्थ

प्रथिने आणि कॅल्शियमची गरज पूर्ण करण्यासाठी तुम्ही दूध आणि दुग्धजन्य पदार्थ खाऊ शकता. यासाठी दूध आणि दुग्धजन्य पदार्थ जसे दही, ताक आणि चीज, तूप यांचा आहारात समावेश करता येईल.