पुणे : भारतासह जगभरात कोरोना व्हायरसची रुग्ण संख्या वाढत असून , जगातील सर्वच देश आपल्या नागरिकांना कोरोनाच्या  काळात साबन अथवा सॅनिटायझरने हात धुणे इत्यादी सल्ला देतात. लोक सॅनिटायझरचा वापर अगदी मोबाईल फोन साफ  करण्यासाठीही करत आहेत.अनेक लोक आपला फोन सॅनिटायझर करण्यासाठी अँटी बॅक्टेरिअल वेट-वाइप्सदेखील वापरत आहेत. तर काही लोक असेही आहेत, जे फोन स्वच्छ करण्यासाठी अल्कोहोलयुक्त सॅनेटायझरचा वापर करतात. 

या लोकांना हेच माहित नाही कि सॅनिटायझरमुळे फोनचे काय नुकसान होते, खरे तर सॅनिटायझर वापरल्याने फोनच्या स्क्रीनसोबतच हेडफोन जॅक आणि स्पीकरदेखील खराब होतात .काही मोबाईल दुरुस्त करणारे लोक सांगतात, की सध्या त्यांच्याकडे दुरुस्तीसाठी येत असलेले अधिकांश मोबाईल सॅनिटायझरमुळेच खराब झालेले आहेत. त्यांनी सांगितले, की मोबाईलला सॅनिटायझर लावताना लोकांकडून अनेकवेळा मोबाईलच्या हेडफोन जॅकमध्ये सॅनिटाईझर जाते. यामुळे फोनमध्ये शॉर्ट सर्किट होऊन तो फोन खराब होत आहेत.

इतकेच नाही, तर अनेक लोकांच्या फोनचे डिस्प्ले आणि कॅमऱ्याच्या लेन्ससुद्धा सॅनिटायझरमुळे खराब झाल्या आहेत. तर मग आम्ही तुम्हाला मोबाईल स्वच्छ करण्याची योग्य पद्धत सांगणार आहोत. 

मेडिकल वाइप्सने सफाई 

मोबाईल स्वच्छ करण्यासाठी तुम्हाला बाजारात उपलब्ध असलेले कुठलेही ७० टक्के अल्कोहोल असलेल्या मेडिकल वाइप्सचा वापर करता येणारं आहे. याच्या सहाय्याने तुमचा फोन व्यवस्थित स्वच्छ होईल.

हेही वाचा : एस्फिक्सिया म्हणजे नेमकं काय ? 

कापसाद्वारे 

आधी तुमचा फोन स्विच ऑफ करा. यानंतर कापसाचा एक तुकडा रबिंग अल्कोहलमध्ये डीप करून आणि नंतर आपल्या फोनची स्क्रिन सरळ धरून साफ करा. खरे तर, आपण आपल्या मोबाईल कस्टमर केअरवरूनच मोबाईल स्वच्छ करण्याचा सल्ला घेणे योग्य आहे. कारण सर्वच कंपन्यांचे फोन मटेरिअल वेगवेगळे असू शकतात. 

अॅन्टी बॅक्टेरिअल पेपरच्या मदतीने 
बहुतांश मेडिकल्समध्ये तुम्हाला सहजपणे अँटी बॅक्टेरिअल टिश्यू पेपर्स सहज मिळतील. त्याने सुद्धा तुमचा फोन स्वच्छ करू शकतात.

संपादन - सुस्मिता वडतिले