मुंबई : कोणत्याही प्रकारची मालमत्ता खरेदी करण्यापूर्वी काही मुद्दे लक्षात ठेवावेत. विशेषतः घर खरेदी करण्यापूर्वी. घर केवळ राहण्यासाठीच नाही तर गुंतवणुकीसाठीही उत्तम पर्याय आहे.

त्यामुळे जेव्हा तुम्ही मालमत्ता खरेदी करता तेव्हा ती नोंदणीकृत असणे महत्त्वाचे आहे. विकासकांनी त्यांच्या प्रकल्पांची रिअल इस्टेट कायदा २०१६ अंतर्गत नोंदणी केलेली असावी. हेही वाचा - Inside Online Dating : हुक अप्स, ओपन रिलेशनशिप्स की...; महाराष्ट्रातील तरुणाई नक्की काय शोधते?

सर्व कागदपत्रे उपलब्ध असावीत

घर खरेदी करण्यापूर्वी, तुमच्या मालमत्तेची नोंदणी केली आहे आणि सर्व कागदपत्रे उपलब्ध आहेत याची खात्री करा. डेव्हलपर, मार्केट रेप्युटेशन, डेव्हलपरचे भूतकाळातील रेकॉर्ड आणि RERA रजिस्ट्रेशन नंबर यासारखे मुद्दे तपासा.

वाद किंवा न्यायप्रविष्ट प्रकरणे नसावीत

अनेक वेळा घरांवर खटले दाखल होतात किंवा इतर कारणांमुळे मालमत्तेवरून वाद होतात. अशी मालमत्ता खरेदी करणे टाळावे.

पुनर्विक्रीची किंमत जाणून घ्या

पुनर्विक्रीच्या किंमतीबद्दल देखील जाणून घ्या. बर्‍याच वेळा आपण कोणत्याही प्रकारची मालमत्ता खरेदी करतो पण नंतर त्याचा चांगला परतावा मिळत नाही. जमीन खरेदी करण्यापूर्वी त्यावर उपलब्ध भाडे आणि पुनर्विक्रीच्या किंमतीशी संबंधित माहिती मिळवण्याचा प्रयत्न करा.

गृहविमा आहे किंवा नाही हे जाणून घ्या

मालमत्तेचा विमा असल्याने आग, नैसर्गिक आपत्ती इत्यादींमुळे होणाऱ्या नुकसानीपासून मालमत्तेचे संरक्षण होते. बांधकामाचा दर्जा तपासा.

खरेदीदाराने मालमत्ता कराचे पालन केले आहे हे तपासणे आवश्यक आहे कारण कर न भरल्यास मालमत्तेवर कर आकारला जाईल. खरेदीदाराने मालमत्तेचे प्रत्यक्ष सर्वेक्षण केले पाहिजे आणि मालमत्तेची व्याप्ती आणि मोजमाप यांची तपासणी केली पाहिजे.

मालमत्तेचे स्थान

मालमत्तेचे स्थान देखील महत्त्वाचे आहे. तेथील पायाभूत सुविधा आणि तिथपर्यंत पोहोचण्यासाठी आवश्यक असलेला प्रवासाचा वेळ याचा अंदाज घ्या. चांगल्या पायाभूत सुविधा असल्यां गुंतवणुकीवर चांगला परतावा आणि चांगले भाडेही मिळते.

त्यामुळे घर खरेदी करताना या काही गोष्टी लक्षात ठेवायला हव्यात.