पोळ्या बनविण्यासाठी आपण मार्केटमधून तवा विकत घेतो. विकत घेताना हा तवा एकदम चकचकीत दिसतो. मात्र कालांतराने हा तवा काळा जातो. पोळ्या आणि पराठे करताना तवा फ्लॅट होण्यास सुरवात होतो. ( Tawa Cleaning try these home remedies)

डिटर्जंटने तव्यावरील घाण स्वच्छ होते मात्र तव्यावरील काळेपणा तसाच असतो. आज आपण तव्यावरील काळेपणा कसा दूर करायचा याविषयी सांगणार आहोत. चला तर जाणून घेऊया. (Tawa Cleaning Tips)

लिंबूनी तवा स्वच्छ करा

तुम्ही फक्त लिंबूचा वापर करुन तव्याला स्वच्छ करू शकता. यासाठी एक कापलेला लिंबू घ्या आणि काळ्या तव्यावर घासा. तव्यावरील काळेपणा दूर होणार.

लिंबू आणि मीठ वापरुन स्वच्छ करा

गरम पाणी, एक लिंबू आणि एक चम्मच मीठ घ्या. त्यानंतर तव्यावर मीठ टाकत सर्व पसरुन घ्यावं दहा मिनिटानंतर कापलेला लिंबू तव्यावर घासून स्वच्छ करावा. शेवटी गरम पाण्याने तवा धुवावा. तवा हा चमचमीत दिसणार.

बेकींग सोडा आणि लिंबू

तव्यावरील काळेपणा दूर करायचा आणखी एक उपाय आहे. त्यासाठी गरम पाणी, 1 लिंबू आणि 1 चम्मच बेकिंग सोडा घ्या. त्यानंतर एका भांड्यात गरम पाणी आणि बेकिंग सोडा एकत्र मिक्स करा. हे मिश्रण काळ्या तव्यावर जवळपास 15 मिनटे लावून ठेवा. लिंबूला या तव्यावर घासा आणि शेवटी गरम पाण्याने तवा धुवा.