Study Habit : प्रत्येक पालकाला त्यांच्या मुलांचं उज्वल भविष्य बघायचं असतं. त्यामुळे मुलांचं अभ्यासाकडे लक्ष केंद्रित करण्याच्या दिशेने पालकांचा विशेष कल असतो. मात्र काही मुले अभ्यासाचा फारच कंटाळा करतात. त्यांची मुले स्वत:वरून कधीच अभ्यास करत नाही अशी त्यांची तक्रार असते. मुले मन लावून अभ्यास करत नाहीत किंवा अभ्यासाच्या वेळी चिडचिड करतात. मुलांच्या या सवयी पुढे पालकांसाठी मोठी समस्या निर्माण करतात. तुम्हालाही तुमच्या मुलांच्या बाबतीत अशाच तक्रारी असतील तर तुम्ही या काही खास टिप्स ट्राय करून बघा.

मुलांचे लक्ष अभ्यासात लागावं यासाठी या काही खास टिप्स

१) मुलांचं कौतुक करा

मुलांच्या छोट्या छोट्या गोष्टींच्या यशाबाबत त्यांचं कौतुक करा. तसेच मुलांना अभ्यासासाठी वेगवेगळ्या प्रकारे प्रोत्साहित करा. त्यांचं लक्ष अभ्यासाकडे आकर्षित करा. मुलांकडून काही चुकी झाल्यास त्यांना रागवण्याऐवजी प्रेमाने समजावून सांगा. मुलांना वेळ द्या आणि त्यांच्या जवळ बसून त्यांच्या होमवर्कमध्ये त्यांना मदत करा.

२) हेल्दी डाएट

मुलांच्या आहाराचा प्रभाव थेट त्यांच्या शारीरिक आणि मानसिक आरोग्यावर पडतो. तेव्हा मुलांच्या शारीरिक आणि मानसिक विकासासाठी त्यांना संतुलित आहार देणं फार महत्वाचं आहे. अशात जंक फूडऐवजी मुलांना हेल्दी फूड खायला द्या.

मुलांच्या झोपेची काळजी घ्या

झोप न झाल्यास मुलांचं अभ्यासात लक्ष लागत नाही. अभ्यासाच्या वेळी त्यांना झोप येते. मुलांची झोप नीट झाल्यास त्यांची एकाग्रता आणि अभ्यास दोघांचाही विकास होतो. (Study)

एक्सरसाइज

डब्लूएचओनुसार, एक्सरसाइझ केल्याने मुलांच्या अभ्यासात सकारात्मक परिणाम दिसून येतो. व्यायाम केल्याने एकाग्रता वाढते. ज्यामुळे मुलांना अभ्यास दीर्घकाळ लक्षात राहतो. (Education)

खोलीच्या वेंटिलेशनकडे लक्ष द्या

मुले ज्या खोलीत अभ्यास करताय तिथे हवा खेळती असावी. जेणेकरून मुलांचे अभ्यासात मन लागेल.