viral video uttar pradesh amroha fight marriage between two groups juta chupai ritual 5 injured

लग्नसमारंभात नवरदेवाचे बूट पळवण्याची विधी खूप लोकप्रिय आहे. यामध्ये नवरीच्या बहिणी, मैत्रिणी या बुट पळवण्याच्या विधीमध्ये खूप व्यस्त असतात. त्यात अनेक गमतीजमती घडतात. बुटाच्या बदल्यात पैसे उकळण्याचा वधूच्या बहिणींचा प्लॅन असतो. सोशल मिडियावर एका लग्नाचा व्हिडीओ समोर आला आहे, ज्यामध्ये बुट पळवल्यामुळे वधु-वर पक्षात मारामारी होतांना दिसत आहे. यामध्ये ५ लोक जखमी झाले आहे.

सोशल मिडियावर व्हायरल होत असलेला हिडिओ उत्तर प्रदेशमधील अमरोहा जिल्ह्यातील आहे. इथे एकाच मंडपात दोन मुलींची लग्ने होत होती. दोघांच्या लग्नाची मिरवणूक आली होती. जेव्हा बुट चोरण्याची विधी चालू होती तेव्हा कार्यक्रमात गदारोळ झाला होता. दोन पक्षांमध्ये मारामारी झाली. यामध्ये लोक एकमेकांना लाथा-बुक्क्या मारू लागले. यामध्ये 5 जण जखमी झाले.

• बुटाच्या बदल्यात पैसे घेताना मारामारी

अमरोहा येथील हसनपूर नगर येथील एका लग्नमंडपात लग्न समारंभात पळवलेल्या बुटाचे पैसे देण्यावरून दोन पक्षांमध्ये मारामारी झाली. हसनपूर येथे राहणाऱ्या एका व्यक्तीच्या दोन मुलींचे रात्री लग्न होत होते. याच लग्नमंडपात लग्नाची मिरवणूक आली होती. लग्नाच्या मिरवणुकीत वराचा बूट पळवल्याच्या कारणावरून काही लोकांमध्ये बाचाबाची होऊन मारामारी झाली.

• सीसीटीव्हीमध्ये कैद झाली घटना

ही घटना सीसीटीव्ही कॅमेऱ्यात कैद झाली आहे. लग्न समारंभाच्या बाहेर उभ्या असलेल्या कारचीही तोडफोड करण्यात आली. यादरम्यान बराच गोंधळ झाला. माहिती मिळताच पोलिसांनी घटनास्थळी धाव घेत प्रकरण शांत केले आणि त्यानंतरच कार्यक्रम शांततेत पार पडला. मात्र, याप्रकरणी कोणतीही कायदेशीर कारवाई न करता दोन्ही पक्षांमध्ये समझोता झाला. या मारामारीत जखमी झालेल्या पाच जणांवर उपचार करण्यात आले.